Saǵyntaev vedomstvolarǵa jabylǵan joldardaǵy qaýipsizdik sharalaryna nazar aýdarýdy tapsyrdy
ASTANA. QazAqparat - QR Premer-Mınıstri Baqytjan Saǵyntaev aýa raıynyń kúrt qubylýyna baılanysty jabylǵan joldardaǵy qaýipsizdik sharalaryna nazar aýdarýdy tapsyrdy, dep habarlaıdy QazAqparat.
«Elimizdiń soltústik óńirlerinde aýa raıy qolaısyz jaǵdaıda bolyp tur. Sol sebepten keleńsiń jaǵdaılardy boldyrmas úshin joldar jabylyp jatyr», - dedi Úkimet basshysy.
Óz kezeginde QR Іshki ister mınıstri Qalmuhanbet Qasymov birqatar oblystardy jel kúsheıip, qatty boran soǵyp turǵanyn aıta kele, osy oraıda kólik qozǵalysyna shekteý qoıylyp, jaǵdaı baqylaýǵa alynǵanyn atap ótti.
«Qazirgi ýaqytta Astadan barlyq baǵyttar boıynsha joldar jabyldy. Bul rette kóliktiń barlyq túrleri úshin shekteý engizildi. Sonymen qatar Aqmola, Qaraǵandy, Pavlodar, Qyzylorda oblystarynda kólik qozǵalysy shekteldi. Barlyq joldarda baqylaý beketteri qoıyldy. Osy turǵyda patrýldik jol polıtsııasy, joldaǵy qyzmetter jumyldyrylyp, Tótenshe jaǵdaılar komıtetiniń qutqarý qyzmetiniń jumysy uıymdastyryldy», - dep naqtylady mınıstr.
Astana men atalǵan oblys ortalyqtarynda, eldi mekenderde tıisti kómek kórsetý sharalary júzege asyrylýda.
«Qajet bolǵanda, qosymsha kúshter tartylady. Jalpy, jaǵdaıdy baqylaýda ustap otyrmyz. Turǵyndar tıisti aqparatpen der kezinde qamtasyz etilýde», - dedi Q. Qasymov.
Mınıstrdiń baıandamasynan keıin, Úkimet basshysy Baqytjan Saǵyntaev birinshi orynbasary Asqar Mamınge aýa raıyna qatysty barlyq máselelerge ýaqtyly áreket etý sharalaryn qatań qadaǵalaýdy tapsyrdy.
