Saǵyntaev úsh oblysty damytýǵa qatysty keńes ótkizdi
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaev Qazaqstannyń Úshinshi jańǵyrýyn jobalyq basqarý aıasynda osyǵan deıin atqarylǵan jumystardyń jaı-kúıi jóninde keńes ótkizdi, dep habarlaıdy QazAqparat primeminister.kz silteme jasap.
Keńes barysynda Qostanaı, Pavlodar jáne Soltústik Qazaqstan oblystary ákimdikteriniń jobalyq basqarý baǵyttary turǵysynan is-sharalardy oryndaý jáne ındıkatorlarǵa qol jetkizý boıynsha 2018 jyldyń ekinshi jartyjyldyǵyna arnalǵan josparlary jáne birinshi jartyjyldyqta atqarylǵan jumystardyń aldyn-ala qorytyndylary talqylandy.
Qostanaı oblysynyń ákimi A. Muhambetov, Pavlodar oblysynyń ákimi B. Baqaýov jáne Soltústik Qazaqstan oblysynyń ákimi Q. Aqsaqalov óńirlerdiń negizgi áleýmettik-ekonomıkalyq kórsetkishterimen tanystyryp, kólik jáne logıstıkany, AÓK, bilim berý, densaýlyq saqtaý salalaryn, týrızmdi, saýdany, jappaı kásipkerlikti damytý, sondaı-aq, bazalyq ındýstrııalandyrýdy júrgizý, ınvestıtsııalar tartý jáne ónimdi jumyspen qamtý máseleleri jóninde baıandady.
Ákimder ózderiniń sózderinde ekonomıkalyq ósimniń jańa modelin qalyptastyrý boıynsha qabyldanyp jatqan sharalarǵa basa nazar aýdardy.
