Saǵyntaev Úkimet múshelerine atqarylǵan jumys úshin alǵys aıtty
ASTANA. QazAqparat - Qazaqstan Respýblıkasy Úkimetiniń kezekten tys otyrysynda Premer-Mınıstri Baqytjan Saǵyntaev Úkimettiń otstavkaǵa ketýi týraly habarlady. Bul týraly primeminister.kz saıtynda jarııa etildi, dep habarlaıdy QazAqparat.
B. Saǵyntaev Prezıdent alǵa qoıǵan mindetterdi iske asyrýdaǵy úılesimdi atqarylǵan jumys úshin Úkimet múshelerine alǵys aıtyp, barlyǵyna tabys tiledi.
Eske sala ketsek, búgin Qazaqstan Prezıdenti Nursultan Nazarbaev málimdeme jasap, Úkimettiń otstavkaǵa ketý kerektigin atap ótken bolatyn.
Keıin Elbasy QR Úkimetiniń otstavkasy jónindegi Jarlyqqa qol qoıyp, Premer-Mınıstrdiń mindetin ýaqytsha atqarýdy Asqar Mamınge júktedi.
