Saǵyntaev tehnologııalyq jańǵyrtý týraly: Poıyz qozǵaldy, sońǵy vagonǵa minýge múmkindigimiz bar
«Qoldanystaǵy eski baza negizinde ınvestıtsııa úshin kúreser bolsa, alysqa barmaıtyndyǵymyzdy túsindik. Sondyqtan Prezıdent Nursultan Nazarbaev úshinshi jańǵyrý týraly jarııa etti. Onyń basty lokomatıvi tehnologııalyq jańǵyrý sanalady. Al ony tsıfrlandyrý arqyly ǵana júzege asyrýǵa bolady. Biz eldi tsıfrlandyrý boıynsha jumystardy bastaý qajetti jaıynda aıtqanymyzda kópshiligi ony ІT-salany damytý retinde túsindi. Al biz búkil ekonomıkany ózgertýimiz qajettigin túsindik. Ol búginde álemde bar talaptarǵa sáıkes qaıta túzelýi tıis. Barlyq jaǵdaı óte jyldam ózgerip jatyr. Eger biz uzaq oılanyp, zańnamaǵa sáıkesinshe ózgerister qabyldaıtyn bolsaq, onda taǵy kesh qalamyz. Biz «poıyz ornynan qozǵaldy, biraq, sońǵy vagonǵa sekirip minýge múmkindigimiz bar» deımiz. Biraq, biz muny dál qazir jasamasaq, onda álemde jasalǵan dúnıeni tutynýshy bolyp qala beremiz», - dedi Baqytjan Saǵyntaev.
Sonymen qatar ol tsıfrlandyrýdyń Qazaqstan bıznesi úshin de qatysy bolatyndyǵyn basa aıtty.
«Eger biz el qarqyndy damyp, básekege qabiletti bolǵanyn qalaıtyn bolsaq, onda kompanııalar da búgingi kúni ózderiniń fılosofııasy men ıdeologııasyn ózgertýleri tıis. Sondyqtan da bizde ýaqyt joq. Biz óte jyldam qozǵalyp kelemiz. Qarapaıym ǵana mysal, Prezıdent ekonomıkany tsıfrlandyrýǵa ǵana jaýap beretin arnaıy vıtse-premerdi taǵaıyndady. Menińshe, mundaı vıtse-premer eshqaı elde joq», - dedi Premer-Mınıstr.
