Saǵyntaev Taý-ken metallýrgııa salasy, geologııa jáne jer qoınaýyn paıdalaný jónindegi keńes otyrysyn ótkizdi
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen Qazaqstan Respýblıkasy Prezıdenti janyndaǵy Taý-ken metallýrgııa salasy, qatty paıdaly qazbalar boıynsha geologııa jáne jer qoınaýyn paıdalaný jónindegi keńes otyrysy ótti, dep habarlaıdy QR Úkimetiniń baspasóz qyzmeti.
Otyrys barysynda «100 naqty qadam» Ult josparynyń tapsyrmalaryn oryndaý aıasynda ázirlengen «Jer qoınaýy týraly» QR jańa kodeksiniń jobasy talqylandy, sondaı-aq, 2018 jyly Astanada ótetin Dúnıejúzilik taý-ken kongresine daıyndyq máseleleri qaraldy.
Dúnıejúzilik taý-ken kongresi - árbir 2-3 jyl saıyn ótkiziletin, TKM salasyndaǵy aýqymdy shara. DTKK quramyna álemdik deńgeıdegi sarapshylar men 49 eldiń ǵalymdary kiredi. Alǵashqy kongress 1958 jylǵy qyrkúıekte Varshavada (Polsha) ótken.
