Saǵyntaev Syrdarııanyń sol jaǵalaýy jobasymen tanysady
QYZYLORDA. QazAqparat - Búgin Qyzylorda oblysyna QR Premer-mınıstri Baqytjan Saǵyntaevtyń sapary bastalady, - dep habarlady QazAqparat.
Sapar barysynda Úkimet basshysy qalaǵa qarasty birqatar nysandarmen tanyspaq. Olardyń qatarynda Tasbóget sý toraby, oblystyq balalar aýrýhanasy, «Shuǵyla» shaǵyn aýdanyndaǵy balabaqsha men kásipkerlerge qyzmet kórsetý ortalyǵy bar.
Sondaı -aq, Baqytjan Saǵyntaev «Dostyq» úıinde ótetin sharaǵa qatysyp, Syrdarııanyń sol jaǵalaýy jobasymen tanysady.
Tústen keıin Úkimet basshysy Jańaqorǵan aýdanyndaǵy «Shalqııa» kenishi men kóne tarıh kómbesi sanalatyn ejelgi Syǵanaq qalasyn zertteý jumystarymen tanysady dep kútilýde.
Foto: Vlast.kz
