Saǵyntaev: ShYU erkin saýda aımaǵy - keleshegi bar ózara tıimdi joba

BІShKEK. QazAqparat - Shanhaı yntymaqtastyq uıymynyń erkin saýda aımaǵy - keleshegi bar ózara tıimdi joba. ShYU múshe memleketteriniń úkimet basshylary keńesiniń 15-shi mereıtoılyq otyrysynda Qazaqstan Premer-Mınıstri Baqytjan Saǵyntaev osyndaı pikir bildirdi, dep habarlaıdy QazAqparattyń Bishkektegi menshikti tilshisi.

 «15 jylda ShYU jumysynda eleýli nátıjelerge qol jetkizdik. ShYU erkin saýda aımaǵy - keleshegi bar ózara tıimdi joba bolar edi. Іshki ekonomıkalyq baılanystardy keńeıtý men aımaqtyq ekonomıkalyq ózara qarym-qatynasty nyǵaıtýdy esepke alyp, uıymǵa múshe memleketterdiń, baqylaýshy memleketterdiń jáne dıalog boıynsha seriktesterdiń ózara múddelerin úılestire otyryp, bul baǵyttaǵy jumystardy jalǵastyrý kerek», dep atap ótti B.Saǵyntaev.

 Eske sala ketsek, búgin Bishkekte Shanhaı yntymaqtastyq uıymyna múshe memleketter úkimetteriniń basshylar keńesiniń 15-shi mereıtoılyq otyrysy ótip jatyr. Bul otyrys ShYU mereıtoılyq jylyndaǵy resmı sharalar kezeńin aıaqtaıdy. Búginde Qazaqstan ShYU tóraǵasy bolyp tabylady, al 2017 jyldyń 8-9 maýsymynda Astanada uıymǵa múshe memleketter basshylarynyń Sammıti ótedi.