Saǵyntaev «Shevron» basshylyǵymen munaı-gaz sektoryn jańǵyrtý máselelerin talqylady

ASTANA. QazAqparat - Búgin Úkimette Astanada ótetin Shetel ınvestorlary keńesiniń 30-shy otyrysy aıasynda QR Premer-Mınıstri Baqytjan Saǵyntaev «Shevron»-nyń atqarýshy vıtse-prezıdenti Djeıms Djonsonmen munaı-gaz salasyndaǵy yntymaqtastyq máselelerin talqylady, dep habarlaıdy QazAqparat primeminister.kz saıtyna silteme jasap.

Kezdesý barysynda Teńiz ken ornyn keńeıtý jobasy talqylandy. Taraptar atalǵan joba Qazaqstan ekonomıkasynyń turaqty damýyna, sondaı-aq TShO-nyń barlyq seriktesterine oń mýltıplıkatıvti áser beretinin atap ótti.

«Qazaqstannyń úshinshi jańǵyrýy: jahandyq básekege qabilettilik» Joldaýynda bekitilgen Memleket basshysynyń tapsyrmalaryn iske asyrý aıasynda munaı-gaz sektoryn tehnologııalyq jańǵyrtýǵa erekshe kóńil bólindi.

Sonymen qatar, taraptar Astanada ótip jatqan EKSPO-2017 kórmesin talqylady.

Anyqtama:

«Shevron» Qazaqstannyń basyndaǵy Teńiz ken ornyn óńdeıtin «Teńizshevroıl» JShS (TShO) aktsııalarynyń 50%-na ıe. 

TShO Saǵalyq qysymdy basqarý jobasyn/Bolashaq keńeıtý jobasyn (SQBJ/BKJ) iske asyrýdy bastady, onyń aıasynda qýaty jylyna 12 mln tonna munaı óńdeıtin jańa zaýyt jáne qýaty 9,4 mlrd m3/jyl shıki gazdy keri aıdaý nysandaryn salý kózdelgen.

SQBJ/BKJ aıasynda QR-da 20 myńnan astam jumys ornyn ashý josparlanǵan, kadrlardy oqytý jáne daıarlaý sharalary qarastyrylǵan, sondaı-aq paıdalaný kezinde 700-ge jýyq turaqty jumys orny qurylady.