Saǵyntaev sheteldik ınvestorlarǵa usynatyn jobalardyń nasharlyǵyn synady
Úkimet basshysy óz sózinde Elbasynyń tapsyrmasyna sáıkes, ınvestıtsııa tartý jáne esporttyq saıasat jónindegi 2 strategııa ázirlenip jatqandyǵyn atap ótti. Sonymen birge ınvestıtsııa tartý jónindegi strategııanyń osy jyldyń 1 shildesinde bekitýge engizilýi tıistigin eske saldy.
«Menińshe, shet memleketterdiń Astanadaǵy dıplomatııalyq korpýsymen, elimizdegi ınvestorlarmen talqylaǵannan keıin taǵy bir márte bas qosyp, jarııa túrde qaraý kerek. Bizge júktelgendeı 1 shildede ulttyq strategııamyzdy bekitip, biryńǵaı aqparattyq monıtorıng júıesin engizýdi bastaýymyz qajet», - dedi Premer-Mınıstr.
Osy rette ol áleýetti sheteldik ınvestorlarǵa usynylatyn jobalardy daıyndaý barysynda kemshilikterdiń oryn alyp otyrǵandyǵyn da ashyq aıtty.
«Bul oraıda ınvestorlar úshin jobalardy daıyndaý úlken másele bolyp tur. Onda úlken olqylyq bar. Biz ákimdiktermen úlken jumys júrgizip, atalǵan ýchaskege jaýap beretin ákim orynbasarlaryn shaqyrdyq. Qorytyndysynda, bizdiń sheteldik ınvestorlarǵa usynatyn jobalar tizimi óte nashar, sureńsizdeý. Sheteldik ınvestorlar búgingi biz usynǵannan basqa jobalardy kútip otyr. ıAǵnı, bul jaqsy jobalardy irikteý jumystarynyń joqtyǵyn kórsetedi. Ákimderden sapaly jobalardy irikteýge basa mán berýdi ótinemin», - dedi Baqytjan Saǵyntaev.
