Saǵyntaev «Roıal Datch Shell» ókilderimen Qashaǵan jáne Qarashyǵanaq jobalaryn talqylady
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaev «Roıal Datch Shell» kontserniniń barlaý jáne óndirý jónindegi bólimshesiniń dırektory Endı Braýn bastaǵan delegatsııamen kezdesti, dep habarlady QR Úkimetiniń baspasóz qyzmetinen.
Kezdesý barysynda Soltústik Kaspıı (Qashaǵan) jáne Qarashyǵanaq boıynsha birlesken jobalardy júzege asyrý máseleleri talqylandy.
Eske sala keteıik, Qazaqstanda «Shell» aǵylshyn energetıkalyq kontserni tórt jobaǵa qatysady: Soltústik Kaspıı boıynsha ónimderdi bólý týraly kelisim; Qarashyǵanaq ken ornynyń ónimderin bólý týraly túpkilikti kelisim; «Jemchýjına» lıtsenzııalyq ýchaskesin damytý boıynsha ónimderdi bólý týraly kelisim jáne Kaspıı qubyr konsortsıýmy.
