Saǵyntaev respýblıkalyq menshiktegi nysandardy jekeshelendirý jóninde keńes ótkizdi
ASTANA. QazAqparat - Búgin Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev respýblıkalyq menshiktegi iri nysandardy jekeshelendirý máseleleri jóninde keńes ótkizdi, dep habarlaıdy primeminister.kz.
Keńes barysynda respýblıkalyq menshiktegi on eki nysandy, sondaı-aq «Báıterek» UBH» AQ úsh iri nysanyn jáne «QazAgro» AQ úsh nysanyn básekeli ortaǵa berý boıynsha 2016-2020 jyldarǵa arnalǵan jol kartalaryn iske asyrý barysy talqylandy.
Keńes qorytyndysy boıynsha Premer-Mınıstr memlekettik organdarǵa jáne ulttyq basqarýshy holdıngterge TOP nysandar boıynsha naqty tásildemeler ázirleýdi jedeldetýdi tapsyrdy.
Eske salsaq, Jekeshelendirýdiń 2014-2020 jyldarǵa arnalǵan josparyna sáıkes básekeli ortaǵa berýge jekeshelendirýdiń ekinshi tolqynynyń 1 040 nysany usynylady, onyń ishinde 2014-2017 jyldarǵa 718 nysan, olardyń 400-i ótkizildi.
