Saǵyntaev polıtsııa qyzmetkerlerin kásibı merekesimen quttyqtady
«Polıtsııa qyzmetkerlerin kásibı merekesimen quttyqtaımyn! Qoǵamdyq qaýipsizdikti qamtamasyz etip, halyqtyń amandyǵyn saqtap júrgenderdiń aldyńǵy qatary – sizdersizder. Sizderge myqty densaýlyq, otbasylaryńyzǵa amandyq tileımin», - dep jazdy Baqytjan Saǵyntaev.
Sonymen qatar, ol Almaty ákimdiginiń jumysyndaǵy basty mindetterdiń biri qoǵamdyq qaýipsizdikti qamtamasyz etý ekenin atap ótti. Osynaý abyroıly isti júzege asyrý úshin ótken jyldan bastap kósheler men aýlalardy patrýldeý kúsheıtildi, qalanyń barlyq aýdandarynda polıtsııanyń mobıldi pýnktteri ashyldy.
Nátıjesinde qylmys deńgeıi kúrt qysqardy. Búgingi kúni eki myńnan astam polıtsııa qyzmetkeri táýlik boıy qoǵamdyq tártipti saqtaý jolynda aıanbaı qyzmet etýde.
Tótenshe jaǵdaı kezinde polıtsııa qyzmetkerleri medıktermen, sanıtarlyq dárigerlermen, áskerılermen birge blokposttarda táýlik boıyna óz mindetterin múltiksiz oryndap, qalada quqyqtyq tártipti qamtamasyz etti. Ol úshin bes myńnan astam polıtsııa qyzmetkerleri tartyldy.