Saǵyntaev pen Medvedev QR jáne RF ekijaqty yntymaqtastyǵynyń múmkindikterin talqylady
MÁSKEÝ. QazAqparat - Qazaqstan Respýblıkasynyń Premer-Mınıstri Baqytjan Saǵyntaev jumys saparymen Reseı Federatsııasyna kelip, RF Úkimetiniń Tóraǵasy Dmıtrıı Medvedevpen kezdesti, dep habarlady QazAqparat.
QR Premer-Mınıstriniń baspasóz qyzmetiniń aqparatynsha, kezdesýde eki jaqty yntymaqtastyq máseleleri talqylandy. Taraptardyń nazary ónerkásip, energetıka, saýda jáne ekonomıka, kólik jáne t.b. salalarǵa nazar aýdaryldy.
Sonymen qatar, kezdesý aıasynda QR Premer-Mınıstri óziniń áriptesimen alda ótetin Eýrazııalyq úkimetaralyq keńes jáne TMD Úkimet basshylary keńesi otyrystarynyń jaıyn talqylady.
Kezdesý qorytyndysy boıynsha taraptar eki jaqty yntymaqtastyqty damytýǵa daıyn ekenin bildirdi.
Eske sala keteıik, 27-28 qazanda Mınsk qalasynda Eýrazııalyq úkimetaralyq keńes jáne TMD Úkimet basshylary keńesi otyrystary ótedi, oǵan QR Premer-Mınıstri Baqytjan Saǵyntaev qatysady.
