Saǵyntaev pen IDB prezıdenti Azııa elderine arnalǵan arnaıy baǵdarlamany talqylady
ASTANA. QazAqparat - Búgin Qazaqstan Respýblıkasynyń Premer-Mınıstri Baqytjan Saǵyntaev Islam damý bankiniń Prezıdenti Bandar M. H. Ál-Hadjarmen kezdesý ótkizdi, dep habarlaıdy QR Úkimetiniń baspasóz qyzmeti.
Kezdesý barysynda IDB-men ekonomıkalyq seriktestikti nyǵaıtý, «Bir beldeý, bir jol» ekonomıkalyq strategııasy aıasyndaǵy yntymaqtastyq, 2020 jylǵa deıin Ortalyq Azııa elderi úshin IDB-niń arnaıy baǵdarlamasynyń jobalaryn iske asyrý máseleleri talqylandy.
Budan ózge, IDB-niń Ǵylym, tehnologııalar jáne ınnovatsııalar boıynsha jańa qoryn, Astanada shtab-páterimen «Azyq-túlik qaýipsizdigi boıynsha ıslam uıymyn» qurý jobalary jáne ıslamdyq qarjylandyrý ındýstrııasyn damytý turǵysynan «Astana» halyqaralyq qarjy ortalyǵy men elordada ıslam qarjysynyń óńirlik habyn qurý máseleleri qaraldy.
