Saǵyntaev Pákistan prezıdenti Mamnýn Hýsseınmen kezdesti
ASTANA. QazAqparat - Búgin Astanada Qazaqstan Respýblıkasynyń Premer-Mınıstri Baqytjan Saǵyntaev Pákistan Islam Respýblıkasynyń Prezıdenti Mamnýn Hýsseınmen kezdesti, dep habarlaıdy primeminister.kz.
Kezdesý barysynda eki eldiń saýda-ekonomıkalyq, ǵylymı-tehnıkalyq, mádenı-gýmanıtarlyq qatynastar, sondaı-aq, otyn-energetıkalyq keshen, aýyl sharýashylyǵy, densaýlyq saqtaý salalaryndaǵy yntymaqtastyǵyn nyǵaıtý máseleleri talqylandy.
Ózara is-qımyldyń basymdyqty baǵyttary retinde taý-ken óndirisi, tústi metallýrgııa, mashına jasaý, energetıka, jeńil ónerkásip, kólik jáne kommýnıkatsııalar salalary ataldy.
Shanhaı yntymaqtastyq uıymy keńistiginiń halyqaralyq kólik-logıstıka júıesine yqpaldasýy turǵysynan Qazaqstannyń «Nurly jol» jańa ekonomıkalyq baǵdarlamasy men «Jibek jolynyń ekonomıkalyq beldeýi» qytaı bastamasyn iske asyrý taqyryby qozǵaldy.
