Saǵyntaev oblys ákimderine bólingen qarjyny jyl sońyna deıin ıgerýdi tapsyrdy
ASTANA. QazAqparat - Búgin Úkimettiń selektorlyq rejimdegi otyrysynda QR Premer-Mınıstri Baqytjan Saǵyntaev oblys ákimderinen bólingen qarjyny jyl sońyna deıin ıgerýdi tapsyrdy, dep habarlaıdy QazAqparat.
«Ónimge keler bolsaq, bıylǵy jyldyń qańtar-qarasha aılarynda ónerkásip óndirisiniń kólemi jalpy respýblıkalyq deńgeıge qaraǵanda, Aqtóbe, Batys Qazaqstan, Mańǵystaý, Qyzylorda oblystarynda tómen bolyp otyr. Kirister boıynsha qarasaq, Qaraǵandy 99,2, Mańǵystaý 99,7 paıyz, shyǵystar boıynsha oryndalýy Almaty qalasy 93,7, Astana 93,1, Mańǵystaý 93, Ońtústik Qazaqstan 98, Batys Qazaqstan 95 paıyz», dep atap ótti Úkimet basshysy.
Sonymen qatar ol «Nurly jol» baǵdarlamasynda berilgen transfertter boıynsha oryndalý Aqmola oblysynda 84, Atyraý oblystynda 76,9, Mańǵystaý oblysynda 83,3 paıyzdy qurap otyrǵandyǵyn aıtty.
«Degenmen bul 11 aıdyń qorytyndysy, jyl sońyna deıin osy aıtylǵan oblystarda áli de múmkindik bar dep eseptep, soǵan senemiz. Sondyqtan sizderden kúsh-jigerlerińizdi bólingen qarjyny der kezinde ıgerýge jumsap, kiristerdi ulǵaıtýǵa jumys jasaýlaryńyzdy suraımyz», - dedi Saǵyntaev.
