Saǵyntaev Naýryzbaı aýdanynyń damý dınamıkasyn tómendetpeýdi tapsyrdy
Jańa Almatynyń áleýmettik ınfraqurylymyn damytýǵa erekshe kóńil bólinedi. «Taýsamaly» men «Aqjar» shaǵyn aýdandarynda 120 oryndyq balabaqshalardyń qurylysy aıaqtaldy. Qazir jıhazdar men jabdyqtardy ornatý jumystary jalǵasýda.
Qala ákimi «Aqjar» shaǵyn aýdanyndaǵy balabaqshaǵa ınjenerlik kommýnıkatsııalardy qosýdy 10 shildege deıin aıaqtaýdy tapsyrdy.
Sonymen qatar, Baqytjan Saǵyntaev atalǵan yqsham aýdanda salynyp jatqan Upstream Zerek school jeke mektebinde boldy. 140 bastaýysh synyp oqýshylaryna arnalǵan oqý orny zamanaýı standarttarǵa saı boı kóterýde.
Megapolıs ákimi №15 mektep-ınternatty kúrdeli jóndeýden ótkizý josparlarymen tanysty. Baqytjan Saǵyntaev irgeles aýmaqty abattandyrý jáne 4 ga alańǵa skver jasaý jobasyn ázirleýdi tapsyrdy. Sondaı-aq, «Tastybulaq» shaǵyn aýdanynda aýmaǵy 3,1 ga bolatyn bos jer ýchaskesin ıgerý boıynsha joba ázirlenedi.
Munda deneshynyqtyrý-saýyqtyrý ortalyǵyn, zamanaýı kitaphana salý, qoǵamdyq keńistikterdi abattandyrý josparlanýda. Osylaısha, qaraýsyz qalǵan aýmaq ózgerip, Naýryzbaı aýdany turǵyndary demalatyn jańa tartymdy orynǵa aınalmaq.
Qala ákimi Nur Otan partııasy aýdandyq fılıaly ǵımaratynyń qurylys alańynda boldy jáne burynǵy qan ortalyǵynyń aýmaǵyn aralady. Onyń tapsyrmasy boıynsha munda psıhologııalyq damýy tómen balalarǵa arnalǵan korrektsııalyq ortalyq pen áleýmettik mýzykalyq mektep salý jobalary ázirlenedi.
«Tastybulaq» shaǵyn aýdanynda jol salýǵa daıyndyq júrýde. Buryndary munda 32,6 shaqyrym ınjenerlik jáne 10,4 shaqyrym sý burý jelileri tartylǵan bolatyn. 12,8 shaqyrym kóshege asfalt tóseý kózdelgen.
Almaty ákimi Baqytjan Saǵyntaevpen kezdesý barysynda jergilikti belsendi turǵyndar tórt kóshege tartylǵan ınjenerlik jelilerdegi jumys sapasyn tekserýge nıet bildirdi.
Qala ákiminiń tapsyrmasy boıynsha «Almaty sý» mamandary turǵyndarmen birge qosymsha tekserýler júrgizedi. Osydan keıin merdiger joldardy qalpyna keltirýge kirisedi. Asfalt tóseýdi kúzge deıin aıaqtaý mindeti qoıyldy.
«Almaty Business-2025» baǵdarlamasyna sáıkes shaǵyn óndiristik parkterdegi qoljetimdi óndiris alańdaryn usyný arqyly ShOB qoldaý kórsetilýde.
Byltyr Naýryzbaı aýdanynda alańy 4 myń sharshy metrdi quraıtyn Ala Estate parki ashyldy. Qazir munda jıhaz, kondıterlik jáne galantereıalyq, keńse taýarlaryn, betperdeler men tamaq oramalaryn shyǵaratyn 9 zaýyt jumys isteıdi. 120 turaqty jumys orny quryldy.
Kásipkerler shahar bpsshysyna alańdardy jalǵa alý sharttarynyń qoljetimdi ekenin jáne onyń qysqa merzimde suranysqa ıe ónimder shyǵarýǵa múmkindik beretinin aıtty. «Almaty Finance» jáne «MFO Almaty» JShS jyldyq mólsherlemesi 2%-dyq qoljetimdi nesıe alý arqyly óndiristi keńeıtýge bolady. Ótken jyly Ala Estate shaǵyn óndiristik parkine qatysýshylar 120 mıllıon teńgeniń ónimin shyǵardy.
Almaty ákimi sheteldik ınvestorlar men tehnologııalardy tarta otyryp, 300 jumys ornyn qurý josparlanǵan toqyma fabrıkasy qurylysynyń jobasymen tanysty.
Baqytjan Saǵyntaev «Qaraǵaly» shaǵyn aýdanyndaǵy Tájıev kóshesiniń boıyndaǵy jańa kópirdi jáne «Qarǵaly» sý tazartý stansasynyń qurylys barysyn tekserdi. Qala ákimi nysandy jobada kórsetilgen merzimde tapsyrýdy tapsyrdy.
Jumys sapary kezinde megapolıs ákimi qazirgi kezde Jandosov kóshesiniń boıynda qurylysy bastalǵan jańa jaıaý júrginshiler aımaǵyndaǵy shaǵyn arhıtektýralyq pishinderdi men jaryq shamdaryn da kórdi. Baqytjan Saǵyntaev jaıly oryndyqtar men zamanaýı jaryq qurylǵylaryn ornatýdy tapsyrdy.
Sonymen qatar, Almaty ákiminiń tapsyrmasy boıynsha aýdan ákimdiginiń aldynda 4,5 ga aýmaqta zamanaýı demalys saıabaǵy jasalatyn bolady.
Aýdanda qoǵamdyq keńistikterdi abattandyrý maqsatynda «Bıýdjetke qatysý» baǵdarlamasy aıasynda 50 joba júzege asyrylýda.
Bıyl balalar men sport alańdaryn, trotýarlardy, serýendeý aımaqtaryn, kósheler men saıabaqtardy, sondaı-aq «Tastybulaq» jáne «Qalqaman» shaǵyn aýdandaryndaǵy aryq jelileri men ózen arnalaryn jóndeý jumystary júrgiziletin bolady
