Saǵyntaev múmkindigi shekteýli balalardyń bilim alýyn qadaǵalady
ALMATY. QazAqparat - Baqytjan Saǵyntaev erekshe qajettilikteri bar balalarǵa arnalǵan oqý protsesin uıymdastyrýdyń jaǵdaılarymen tanysty, dep habarlaıdy QazAqparat tilshisi.
Almaty ákimi Baqytjan Saǵyntaev jumys sapary barysynda №7 arnaıy túzetý mektep-ınternatynda boldy.
Qala ákimi B. Saǵyntaev Іnstagram paraqshasynda jańa toqsannyń bastalýyna oraı mektepterde kezekshi toptardyń sany artqanyn atap ótti.
Mundaǵy eń osaly – múmkindigi shekteýli balalar.
«№7 arnaıy túzetý mektep-ınternatynda bolyp, oqý protsesiniń uıymdastyrylýymen, qolǵa alynǵan sanıtarlyq-epıdemıologııalyq qaýipsizdik sharalarymen tanystym», - dep jazdy B. Saǵyntaev.
Mektepte 216 bala bilim alady. Odan basqa 200 balaǵa úı jaǵdaıynda sabaq beriledi. Áleýmettik-psıhologııalyq ońaltý men beıimdeý, shyǵarmashylyq áleýetti damytý men eńbekke baýlý úshin barlyq jaǵdaı jasalǵan. Tigin nemese aǵash ustasy isiniń qyr-syryn meńgere otyryp, jasóspirimder 9-synyptan keıin kolledjge túsip, mamandyq alady. Sondaı-aq munda emdik dene shynyqtyrý, mýzyka men bı boıynsha sabaqtar ótedi.
«Erekshe qajettilikteri bar balalarǵa qoldaý kórsetip, olardyń jan-jaqty damýyna barynsha jaǵdaı jasaıtyn bolamyz. Ata-analarynyń shydamdylyq tanytqany mańyzdy. Óıtkeni, erekshe balalardy áleýmettendirý protsesi ońaı emes», - dep atap ótti Almaty ákimi.
