Saǵyntaev monoqalalardy damytýdyń ózekti máselelerin talqylady
ASTANA. QazAqparat - Qaraǵandy oblysyna jumys sapary aıasynda QR Premer-Mınıstri Baqytjan Saǵyntaev elimizdiń monoqalalaryn damytý jóninde jumys keńesin ótkizdi, dep habarlaıdy primeminister.kz.
Іs-sharaǵa ortalyq jáne jergilikti memlekettik organdardyń ókilderi, monoqalalardyń ákimderi jáne óńirdiń ónerkásiptik kásiporyndarynyń basshylary qatysty.
Kezdesýge qatysýshylar Óńirlerdi damytýdyń 2020 jylǵa deıingi baǵdarlamasy aıasyndaǵy monoqalalardy damytý barysyn, «zákirli» ınvestıtsııalyq jobalardy iske asyrý barysyn, toqtap qalǵan jáne tolyq júktelmegen jobalar máselelerin, sondaı-aq shaǵyn jáne orta bıznesti damytýdyń túıitkildi máselelerin talqylady.
Osy taqyryptar boıynsha QR ulttyq ekonomıka mınıstri Tımýr Súleımenov pen QR ınvestıtsııalar jáne damý mınıstri Jeńis Qasymbek baıandama jasady. Budan ózge,óz qalalaryndaǵy jaǵdaı boıynsha Temirtaý q. ákimi Ǵalym Áshimov, Kentaý q. ákimi Ábdibaqyt Maqulbaev jáne Stepnogor q. ákimi Ánýar Kúmpekeev tolyq baıandama jasady.
Jekemenshik sektordyń pozıtsııasy jaıly «Talas Investment Company» JShS bas dırektory Baqtııar Aldashov, «Bapy Mining» JShS dırektory Baqyt Shalbaev, «SSGPO» AQ vıtse-prezıdenti Erlan Álkenov, «SES Saran» JShS bas ınvestory ıAn Zonnenshaın, «ERG» qadaǵalaý keńesiniń tóraǵasy Aldııar Qaztaev aıtyp ótti.
Keńesti qorytyndylaı kele, QR Premer-Mınıstri Baqytjan Saǵyntaev elimizdiń iri ónerkásiptik kásiporyndarynyń basym bóligi monoqalalarda ornalasqanyn jáne júıe quraýshy bolyp tabylatynyn atap ótti. Sondyqtan, elimizdiń Prezıdenti N. Nazarbaevtyń «Qazaqstannyń úshinshi jańǵyrýy: jahandyq básekege qabilettilik» Joldaýyn iske asyrý aıasynda júrgizilip jatqan osyndaı zaýyttardy tehnologııalyq jańǵyrtý osy eldi mekenderdiń turǵyndary úshin asa mańyzdy.
Sonymen qatar, monoqalalardyń bolashaǵy halyqtyń belsendi bóligine, atap aıtqanda, týrızm jáne aýyl sharýashylyǵy sııaqty salalardy damytýǵa qarajat sala alatyn kásipkerlerge baılanysty ekendigi atap ótildi.
QR Premer-Mınıstri Baqytjan Saǵyntaev memlekettik organdarǵa keńeste aıtylǵan usynystardy monoqalalardyń ınvestıtsııalyq tartymdylyǵyn arttyrý maqsatynda olardy damytýdyń árekettegi baǵdarlamasyna ózgerister ázirleý kezinde eskerýdi tapsyrdy.
