Saǵyntaev memlekettik organdarǵa azamattardy anyqtama sońynan júgirýden aryltýdy tapsyrdy
ASTANA. QazAqparat - Úkimettiń selektorlyq rejimdegi otyrysynda Premer-Mınıstr Baqytjan Saǵyntaev memlekettik organdarǵa azamattardy anyqtama sońynan júgirýden aryltýdy tapsyrdy, dep habarlaıdy QazAqparat.
«Memleket basshysy «Azamattar úshin Úkimet» jobasyn qurý barysynda adamdardyń anyqtama sońynan júgirmeýin tapsyrǵan bolatyn. Óıtkeni, qyzmetterdi memleket kórsetkennen keıin bul anyqtamalar birinshi kezekte bizdiń ózimizge qajet. Eger júıe jumys isteıtin bolsa, onda biz ózimiz biryńǵaı júıe ishinen qajetti barlyq aqparattardy jınaýymyz kerek. Qazir anyqtamanyń 5 túri boıynsha ǵana 23 mln. qaǵaz berilgeni aıtyldy. ıAǵnı, bul rette de bizdiń memlekettik organdar bir-birimen jumystaryn úılestirmegen», - dedi Baqytjan Saǵyntaev.
Sonymen qatar Premer-Mınıstr bala baqsha men jer telimin bólý kezegine qatysty máselelerge toqtaldy.
«Qazirgi ýaqytta jergilikti jerlerde jer telimi, balabaqsha máselelerine nazar aýdarylyp otyr. Olardy bólýmen ákimdikter aınalysady. Bizdiń korporatsııa arqyly balabaqsha oryndaryn bólýde durys jumys isteı alsaq, onda halyq rıza bolar edi. ıAǵnı, másele ashyq sheshiledi jáne halyq áimdikterdiń komıssııalaryna baryp júrmeıdi», - dedi ol.
Saǵyntaev adamdar balabaqshalardy úılerine jaqyn jerden alýyna da múmkindik týatynyn basa aıtty.
«Kezekti kúndelikti onlaın rejimde qadaǵalap ta otyrýǵa bolady jáne mashına ózi iriktep alady. Bul óte mańyzdy taqyryp», - dedi Úkimet basshysy.
