Saǵyntaev memlekettik organdardyń qyzmetterin tsıfrlandyrý jóninde keńes ótkizdi

ASTANA. QazAqparat - Búgin Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev «Tsıfrlyq Qazaqstan» baǵdarlamasynyń jobasy aıasynda memlekettik organdardyń qyzmetin tsıfrlandyrý máseleleri jóninde keńes ótkizdi, dep habarlaıdy primeminister.kz .

Keńes barysynda ıntellektýaldy kólik júıesin qurý, geologııalyq barlaýdyń ınteraktıvti ulttyq derekter bazasyn engizý, turǵyn úı alýǵa kezekte turǵandardyń elektrondy derekter bazasyn qurý, vırtýaldy mýzeıler jelisin júrgizý jáne kitaphana qoryn tsıfrlandyrý, sonymen qatar zańnama júıesin tsıfrlandyrý, sonyń ishinde sot saraptamasyn avtomattandyrý máseleleri talqylandy.

Memlekettik organdardyń tsıfrlyq formatqa aýysý tásilderi týraly Investıtsııalar jáne damý mınıstri J. Qasymbek, Mádenıet jáne sport mınıstri A. Muhamedıuly, Qorǵanys jáne aeroǵarysh ónerkásibi mınıstri B. Atamqulov jáne Ádilet mınıstri M. Beketaev baıandady.

Premer-Mınıstr Baqytjan Saǵyntaev keńes qorytyndysy boıynsha birqatar naqty tapsyrmalar berdi.