Saǵyntaev Qyzylorda oblysynyń aktıvimen Prezıdent Joldaýyn talqylady
ASTANA. QazAqparat - QR Premer-Mınıstri Baqytjan Saǵyntaev Qyzylorda oblysyna jumys sapary aıasynda óńirdiń qoǵamymen Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýynyń jeke baǵyttaryn iske asyrý barysyn talqylady, dep habarlaıdyp rimeminister.kz.
Ekonomıkanyń sapaly ósimine qol jetkizý úshin ortalyq jáne óńirlik deńgeıde basty strategııalyq baǵdarlamalardy úılestirilgen iske asyrýdy qamtamasyz etý qajet:
• ónimdi jumyspen qamtý jáne jappaı kásipkerlik baǵdarlamasy;
• «Nurly Jer» turǵyn úı qurylysy baǵdarlamasy;
• AÓK damytý baǵdarlamasy.
Budan ózge, «Indýstrııa 4.0» elementterin engizýdi eskere otyryp, ekonomıkanyń bazalyq salalaryn tehnologııalyq jańǵyrtýdy jedeldetý qajet. Osyǵan baılanysty Úkimet ónerkásip kásiporyndaryn qoldaýdyń qajetti sharalaryn qabyldaıdy.
Baqytjan Saǵyntaev jumys istep turǵan óndiristerdi tehnologııalyq jańartýǵa jáne bazalyq salalardan jumystan bosatylǵan jumyskerlerdi servıstik ekonomıkaǵa kóshirýdi basqarý boıynsha júıeli jumysqa, jańa ındýstrııalarǵa jáne qarapaıym zattar ekonomıkasyna basa nazar aýdardy. Sonymen qatar, ónimdi jumyspen qamtý jáne jappaı kásipkerlik baǵdarlamasyn iske asyrý aıasynda jumyssyzdardy kásiptik oqytý jáne ózin-ózi jumyspen qamtyǵan halyqpen jumys máseleleri talqylandy.
Ózgerip jatqan álemdik jaǵdaıatty eskere otyryp, óńirdiń ekonomıkasyn ártaraptandyrý qajet. Atap aıtqanda, ınvestıtsııalardy tartý jáne salany tsıfrlandyrý arqyly óńdeý ónerkásibin damytý qajet.
Kezdesý barysynda Qyzylorda oblysynyń ákimi Qyrymbek Kósherbaev Prezıdenttiń Joldaýyn iske asyrýdyń aralyq qorytyndylary týraly baıandady jáne óńirdiń áleýmettik-ekonomıkalyq damý qarqyny týraly habarlady.
Qoǵam ókilderi, onyń ishinde «Syr Marjany» JShS basshysy M. Óteev, «Araltuz» AQ basshysy D. Muqashev, oblystyq bilim jáne ǵylym jumyskerleri kásipodaǵynyń tóraǵasy R. Baınazarova, oblystyq máslıhat depýtaty A. Mahambetov, «Orda Glass ltd» JShS basshysy E. Saǵymbaev pen «Nuraı» JShS basshysy C. Alshynbaev, jazýshy S. Jubatyrov, «Baıqońyr» agroholdınginiń dırektory M. Espanov óńirdi áleýmettik jáne ınfraqurylymdyq damytý, AÓK salasyndaǵy jáne oblys ekonomıkasynyń basqa salalaryndaǵy jobalardy iske asyrý máselelerin kóterdi.
