Saǵyntaev qytaılyq kompanııa prezıdentimen tsıfrlyq tehnologııalar salasyndaǵy yntymaqtastyqty talqylady
ASTANA. QazAqparat - Baqytjan Saǵyntaev «Jumore» kompanııasynyń prezıdentimen kezdesý ótkizdi, dep habarlaıdy primeminister.kz saıty.
Kezdesý barysynda Memleket basshysynyń elimizdiń ekonomıkalyq ósimniń jańa úlgisine aýysýyna qatysty tapsyrmalaryn iske asyrý aıasynda tsıfrlyq tehnologııalar, qarjy tehnologııalary men quraldaryn damytý salasyndaǵy yntymaqtastyq keleshegi talqylandy.
Aıta keteıik, Zhejiang Jumore E-commerce Co.Ltd. - taýarlar men qyzmetterdiń keń spektri úshin transshekaralyq elektrondy saýda platformasyn usynatyn Qytaı kompanııasy. Kompanııa G20 jáne «Jibek jolynyń ekonomıkalyq beldeýin» boılaı ornalasqan elderdi qosa alǵanda álemniń 60-tan astam elimen yntymaqtastyqta.
