Saǵyntaev qurylys nysandarynda otandyq materıaldardyń úlesin 80 paıyzǵa jetkizýdi júktedi
«Qurylys kezinde otandyq materıaldardy paıdalaný mańyzdy másele. Búginde tek 58 paıyz deńgeıinde otandyq qurylys materıaldary paıdalanylýda. Bizge qazaqstandyq materıaldardyń úlesin 80 paıyzǵa deıin jetkizsek, bul óz kezeginde elimizdegi kompanııalarǵa eleýli qoldaý bolady»,-dedi Premer-Mınıstr Úkimet otyrysynda.
Sonymen qatar B. Saǵyntaev jyldyń sońyna deıin turǵyn úı qurylysynda bıylǵy jospar tıisti deńgeıde oryndalýyn tapsyrdy.
«Elimizde 25 jyldyń ishinde bir mıllıonǵa jýyq otbasy baspanaly boldy. 1,4 myń mektep iske qosyldy, 1,3 myń densaýlyq saqtaý nysandary paıdalanýǵa berildi. Sol sebepten Táýilsizdigimizdiń 25 jyldyǵyna deıin qalǵan az ýaqyttyń ishinde jospardaǵy nysandardyń barlyǵyn belgilengen merzimde tapsyryp, turǵyndarǵa jumystardyń aıaqtalǵandyǵy týraly esebimizdi berýimiz qajet. Osy rette josparly jumystardy sońyna deıin jetkizýge bizde múmkindikter jetkilikti», - dedi Premer-Mınıstr Úkimet múshelerine qaratyp aıtqan sózinde.
