Saǵyntaev Qostanaı kásipkerlerimen bıznes ortany damytý máselesin talqylady
ASTANA. QazAqparat - QR Premer-Mınıstri Qostanaı oblysyna jumys sapary aıasynda «Atameken» UKP Óńirlik keńesiniń múshelerimen kezdesti. Kezdesý barysynda kásipkerlerdiń jergilikti atqarýshy organdarmen ózara is-qımyl máseleleri, bıznesti memlekettik qoldaý sharalary, sondaı-aq óńirde kásipkerlikti damytýdyń perspektıvaly baǵyttary talqylandy, dep habarlady búgin primeminister.kz
QR Premer-Mınıstri bıznes ókilderiniń nazaryn el ekonomıkasynyń úshinshi jańǵyrýy aıasynda ashylyp jatqan ósý múmkindikterine aýdardy. Saǵyntaev kásipkerlerdi bıznes ortany jaqsartý men qaıta retteý, ekonomıkanyń jańa salalaryndaǵy, jańa ındýstrııalardaǵy, qyzmet kórsetý salasyndaǵy, týrızm men «qarapaıym zattar ekonomıkasyndaǵy» jappaı kásipkerlikti jedel damytý salasyndaǵy birlesken jumystarǵa belsendirek qatysýǵa shaqyrdy.
Baqytjan Saǵyntaev osy protsestiń quramdas bóligi retinde Memleket basshysynyń Joldaýynda ekonomıkany tsıfrlandyrý men tórtinshi ónerkásiptik revolıýtsııaǵa erekshe kóńil bólingenin atap ótti. Osyǵan oraı Úkimet zańnamalyq ózgerister men standarttaý, tsıfrlandyrý, memlekettik qoldaý quraldary qamtylǵan, atalǵan baǵytta damýdyń júıelik sharalaryn ázirleýde.
Memlekettik satyp alýlar salasynda Memleket basshysynyń tapsyrmasy boıynsha memlekettik satyp alýlardy ortalyqtandyrylǵan qyzmet qaǵıdasy boıynsha júzege asyrý máseleleri pysyqtalýda. Otandyq kásiporyndarǵa qoldaý kórsetý maqsatymen QR Qarjy mınıstrligi otandyq jıhaz jáne jeńil ónerkásip ónimderin satyp alý máselesin retke keltirgen. Bıyl kvazımemlekettik sektor, tabıǵı monopolııalar men jer qoınaýyn paıdalaný salalaryndaǵy satyp alýlardyń jańa tásilderi iske asyrylatyn bolady.
Budan ózge, satyp alýlardyń ІT platformasy - memlekettik jáne kvazımemlekettik sektorlardyń satyp alýlarynyń ortaq qajettilikterine biryńǵaı qoljetimdilik núktesi óz nátıjelerin bermek. Taǵy bir shara memlekettik satyp alýlar kezinde qurylys kelicimsharttaryn qazynashylyq súıemeldeýdiń pılottyq jobasyn iske qosý bolmaq.
Jergilikti qamtý úlesin arttyrý men bıznes ahýaldy jaqsartý jumystary jalǵasyn tabady. Zańnamalyq salada salyqtyq tekserý jumystary 40%-ǵa qysqartylady. 30-dan astam eskirgen sanıtarlyq erejelerdi joıyp, 25-ine ózgerister engizip, densaýlyq saqtaý jáne bilim berý uıymdaryna jańa sanıtarlyq erejeler ázirleý josparlanǵan.
Premer-Mınıstr Memleket basshysynyń Joldaýynda agrarlyq sektor ekonomıkanyń jańa draıveri retinde kórsetilgenin atap ótti. Soǵan oraı bıyl AÓK damytý memlekettik baǵdarlamasyn iske asyrý jumystary bastaldy. Saǵyntaev kásipkerler qaýymyna búgingi tańda naryqta, sonyń ishinde taıaý shetel naryǵynda oryn alǵan múmkindikterdi jiberip almaýdy usyndy.
Mysalǵa, Ózbekstanǵa ósimdik sharýashylyǵy ónimderin eksporttaý jaǵdaılary jaqsartyldy. 1 sáýirden bastap onda undy (11%-dan 5%-ǵa deıin), kúnbaǵys maıyn ( 20%-dan 10%-ǵa deıin), konservilengen kókónisterdi (50%-dan 10%-ǵa deıin), jemis jáne kókónis shyryndaryn (70%-dan 30%-ǵa deıin) ımporttaý aktsızderi tómendetildi. Sondaı-aq, makaron ónimderine salynatyn aktsızdik salyq alynyp tastaldy (buǵan deıin 50%-ǵa deıin bolǵan).
Premer-Mınıstrdiń aıtýynsha, týrızm men MJÁ jobalaryn iske asyrý perspektıvaly baǵyttar bolyp tabylady.
Shara barysynda Qostanaı oblysynyń ákimi A. Muhambetov, «Atameken» UKP tóraǵasy A. Myrzahmetov, oblystyń Óńirlik kásipkerler palatasynyń tóraǵasy V. Rozınov sóz sóıledi.
«Qostanaı Munaı Ónimderi» Qaýymdastyǵy» ZTB prezıdenti R. Faızýlın munaı ónimderi men AJQS bazalarynyń ıelerine esepteý quraldaryn ornatý máselesin kóterdi. «Qostanaı oblysy kásipkerlik qyzmetine kómek kórsetý qaýymdastyǵy» ZTB dırektory P. Sýhının salyqtyq jáne keden daýlary boıynsha eskirý merzimi taqyrybyn qozǵady. «Zýevka» JShS dırektory A. Borodın qyzmettiń basqa túrlerin júzege asyrý kezinde sharýa qojalyqtarynyń arnaıy salyq rejımin qoldaný máseleleri týraly aıtty.
«Baıan-Sulý» AQ basqarma tóraǵasy T. Sadyqov jumyskerlerdi mindetti áleýmettik medıtsınalyq saqtandyrý qyzmetin kórsetý tizimine qosý erekshelikterine qyzyǵýshylyq tanytty. «Alıýmınqurylys» JShS dırektory A. Muqanov qurylys salasyndaǵy memlekettik satyp alýlar kezindegi baǵanyń dempıngine qatysty máseleni kóterdi. «BK-Stroı» JShS dırektory I. Kım «Turǵyn úı qurylysyna úlestik qatysý týraly» QR Zańyna ózgerister engizý men kirme joldardy qoljetimdi etkeni úshin «Kóliktik qyzmet ortalyǵy» AQ tarıfterin tómendetý týraly usynystaryn bildirdi. «Qostanaı un tartý kombınaty» AQ dırektory A. Mıketka QQS qaıtarý rásimi jónindegi pikirimen bólisti.
Sondaı-aq, «TÓK Qarasý» JShS bas dırektory A. Tursynov jáne «SSTÓB» AQ prezıdenti B. Muhametqalıev ózekti máselelerdi kóterdi.
