Saǵyntaev Kóshi-qon jónindegi halyqaralyq uıym basshysymen kezdesti
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaev Kóshi-qon jónindegi halyqaralyq uıymnyń (KHU) bas dırektory Ýılıam Leısı Svıng myrzamen kezdesti. Bul týraly primeminister.kz habarlaıdy.
Kezdesý barysynda kóshi-qon úderisterin basqarý, zańsyz kóshi-qonmen, adam saýdasymen kúres, sondaı-aq, kez-kelgen statýstaǵy mıgranttarǵa qatysty zorlyq-zombylyqqa qarsy is-qımyl salasynda KHU-men yntymaqtastyqty nyǵaıtý máseleleri talqylandy.
Anyqtama: Qazaqstan Respýblıkasy Kóshi-qon jónindegi halyqaralyq uıymyna (KHU) tolyq quqyqty múshesi retinde 2002 jyldyń jeltoqsan aıynda qosyldy.
KHU ókildigi Almaty qalasynda 1997 jyldyń qarasha aıynda ashyldy. Uıymnyń Astanadaǵy ofısi 1999 jyldan bastap jumys isteıdi.
Úkimet Qazaqstannyń 2017-2021 jyldarǵa arnalǵan kóshi-qon saıasatynyń tujyrymdamasyn bekitti. 1998 jyldyń jeltoqsan aıynan bastap Qazaqstan Bosqyndardyń mártebesi týraly 1951 jylǵy konventsııaǵa jáne onyń 1967 jylǵy hattamasyna resmı túrde qosyldy.
2016 jylǵy 19 qyrkúıekte Kóshi-qon jónindegi halyqaralyq uıym BUU quramyna qosyldy.
Qazaqstan men KHU Almaty protsesi - Ortalyq Azııa elderine jáne óńirge kóshi-qon salasyndaǵy aımaqtyq konsýltatsııalyq protsester, Ortalyq Azııadaǵy halyqaralyq kóshi-qon jáne bosqyndardy qorǵaý máseleleri boıynsha dıalog alańy aıasynda ózara belsendi áreket etedi. Almaty protsesine 7 memleket: Qazaqstan, Qyrǵyzstan, Tájikstan, Aýǵanstan, Ázerbaıjan, Túrkııa jáne Túrkimenstan kiredi. Iran men Pákistan baqylaýshy mártebesine ıe. 2016 jylǵy qyrkúıek aıynda Almaty úderisine tóraǵalyq etý Qyrǵyz Respýblıkasyna berildi.
