Saǵyntaev qoǵamdyq keńester máselesine nazar aýdarýdy tapsyrdy

ASTANA. QazAqparat -BúginÚkimet otyrysynda Premer-Mınıstr Baqytjan Saǵyntaev úkimettik emes uıymdar máselesinde qatelikke jol bermeýdi tapsyrdy, dep habarlaıdy QazAqparat.

«Búgin taraptar aıtqan usynystardyń barlyǵy qaralatyn bolatyn. Barlyǵyn jınaqtap, negizgi usynystardy bir sheshimge keltirý úshin qadamdar jasalaýy qajet. Qatelikterge jol bermes úshin barlyǵyn tyńǵylyqty pysyqtaý kerek», - dedi Úkimet basshysy Din isteri jáne azamattyq qoǵam mınıstri Nurlan Ermekbaevqa qaratyp aıtqan sózinde.

Sonymen qatar, B.Saǵyntaev qoǵamdyq keńester jumystaryna toqtala kele, bul keńester ótken jyly qurylǵanyn eske salyp ótti.

«Byltyr ǵana qurylǵandyqtan, áli de jumystarynda qarqyn almaǵan bolar. Eger de qandaı da bir máseleler týyndasa, oǵan nazar aýdarý kerek. Sondyqtan bul baǵyttaǵy aýqymdy sharalardy jalǵastyrý mańyzdy»,-dep atap ótti Premer-Mınıstr.

Budan buryn habarlanǵandaı, Úkimet otyrysynda Din isteri jáne azamattyq qoǵam mınıstri Nurlan Ermekbaev úkimettik emes uıymdar qoǵamdyq keńester otyrystarynda durys qamtylmaı otyrǵandyǵyn málim etti. 

«Sheshimder qabyldaý úderisinde úkimettik emes uıymdardy tartý tıisti deńgeıde atqarylyp otyrǵan joq. Qoǵamdyq keńesterde saılaý júrgizilgen kezde dıalogtyń tapshylyǵy anyq baıqaldy. ÚEU-lar baǵalaýy boıynsha, belsendi qoǵamdyq uıymdar men BAQ-tyń, jastardyń jetkiliksiz deńgeıde qamtylýy qoǵamdyq keńester otyrystarynda halyqty tolǵandyratyn máselelerdiń tıisti jaǵdaıda kóterilmeýine alyp kelýde», - dediErmekbaev.