Saǵyntaev QHR Memkeńesiniń Premerimen kelissózder júrgizdi jáne ınnovatsııalyq nysandarǵa bardy
Shenchjen qalasynda B. Saǵyntaev álemdik ınnovatsııalyq kóshbasshylar - SF Express, Tencent Holding jáne Huawei Technologies korporatsııalarynyń damý tájirıbesimen tanysty.
QHR Memlekettik keńesiniń Premeri Lı Ketsıanmen úkimetaralyq kelissózder barysynda joǵary deńgeıde qol jetkizilgen ýaǵdalastyqtardy iske asyrý barysy talqylandy. Kelissózder barysynda ekijaqty saýda-ekonomıkalyq, kóliktik-logıstıkalyq, ınfraqurylymdyq, ındýstrıaldy-ınnovatsııalyq damý, otandyq aýyl sharýashylyǵy ónimderiniń eksportyn odan ári nyǵaıtý jáne tereńdetý máseleleri qozǵaldy, sondaı-aq ınvestıtsııalar, tsıfrlandyrý, ónerkásip, metallýrgııa, mashına jasaý, energetıka jáne týrızm salalaryndaǵy ózara is-qımyldy keńeıtýdiń perspektıvalary atalyp ótti. Budan ózge, transqurlyqtyq konteınerlik tasymaldardyń kólemin, ásirese, Uly Jibek joly baǵyty boıynsha ulǵaıtý múmkindigine kóńil bólindi.
Baqytjan Saǵyntaev qytaı kompanııalaryn jańa bırjalyq ınfraqurylym (AIX) jumys isteı bastaǵan «Astana» halyqaralyq qarjy ortalyǵymen belsene seriktestik ornatýǵa jáne jekeshelendirý baǵdarlamasyna qatysýǵa shaqyrdy.
Budan ózge, Pekınde QR Premer-Mınıstri Qazaqstan ekonomıkasyn tehnologııalyq qaıta jaraqtandyrý, qurylys, aýyl sharýashylyǵy jáne metallýrgııa salalaryn damytý tóńireginde birlesken jobalardy iske asyrý jáne yntymaqtastyqty damytý máseleleri boıynsha iri ınnovatsııalyq kompanııalardyń ókilderimen birqatar ekijaqty kezdesýler ótkizdi.
Ferro Mining HK CAG bas dırektory Chen Leımen kezdesýde hımııa-metallýrgııa kesheni kásiporyndarynda ınnovatsııalyq tehnologııalardy engizý salasynda yntymaqtastyq ornatý máseleleri talqylandy. Gonkongta qurylǵan jobalyq kompanııa qarjy salasyna jáne jeńil metaldar salasynda mamandandyrylǵan.
Youngxiang Group vıtse-prezıdenti Tan Sıaoıaomen áńgimelesý barysynda metallýrgııalyq ónerkásip salasynda birlesken jobalar jasaý máseleleri qaraldy. Youngxiang Group taý-ken metallýrgııa salasyna, ınfraqurylymǵa jáne qurylysqa ınvestıtsııa salýmen aınalysady.
Lovol Heavy Industry Co. kompanııasynyń tóraǵasy, bas dırektory Van Gýımınmen ótken kezdesý álemdik standarttarǵa saı keletin aýyl sharýashylyǵy tehnıkalaryn shyǵarý salasynda yntymaqtastyqty damytý máselesine arnaldy. Búginde Lovol Heavy Industry Co. Qytaıdyń mashına jasaıtyn iri kompanııalarynyń biri, jyl saıyn 70 myń traktor men 50 myń kombaın shyǵarady.
AÓK-ke arnalǵan mashına jasaý salasyndaǵy jobalar Baqytjan Saǵyntaevtyń YTO Group Corporation basqarma tóraǵasy Chjao ıAnshýımen kezdesýinde talqylandy.
CNOOD Asia Limited basqarma tóraǵasy Chı ıÝnhaımen ekijaqty kezdesý aıasynda jeńil jáne azyq-túlik ónerkásibindegi yntymaqtastyq keleshegi qaraldy. Injınırıngtik kompanııa munaı-gaz, sý, taý-ken óndirisi, sondaı-aq, jańartylatyn energııa kózderi, ınfraqurylym, argoónerkásip keshenderi salalaryndaǵy jobalarǵa konstrýktsııa shyǵarýmen aınalysady.
Nuchtech kompanııasynyń prezıdenti Chen Chjıtsıanmen kezdesýdiń kún tártibinde jańa tehnologııalyq jabdyqtar shyǵarý salasynda birlesken jobalardy iske asyrý máseleleri qaraldy. Munda Baqytjan Saǵyntaev shyǵarylatyn ónimderdiń túrlerimen tanysty: kompanııa qaýipsizdik tehnıkasyn ázirlep, shyǵarýmen aınalysady, sonymen qatar ol - keden jáne basqa da vedomstvolarǵa ınspektsııalyq-tekserý keshenderiniń negizgi jetkizýshisi.
Beıjińde B. Saǵyntaev Qytaıdyń saraptamalyq qurylymdarynyń ókilderimen, atap aıtqanda, Beıjiń ýnıversıtetiniń Qurylymdyq ekonomıkalyq zertteýler ınstıtýtynyń (Lın Ifý), Strategııalyq damý ǵylymı-zertteý ınstıtýtynyń (Lıý ıÝanchýn), QHR Kommertsııa mınıstrligi janyndaǵy Halyqaralyq saýda-sattyq jáne ekonomıkalyq yntymaqtastyq akademııasynyń (Lı Hýatsın), QHR Damý jáne reformalar isteri jónindegi memlekettik komıteti janyndaǵy Ekonomıka ınstıtýtynyń (Lıý Sıýııan), Qytaı qoǵamdyq ǵylymdar akademııasynyń Álemdik ekonomıka jáne saıasat ınstıtýtynyń (ıAo Chjıchjýn), QHR Memlekettik keńesi janyndaǵy Damý máselelerin zertteý ortalyǵynyń (Lýn Gotsıan) basshylyǵymen kezdesýler ótkizdi. Álemdik ekonomıkany damytýdyń ózekti máseleleri, jahandyq jáne aımaqtyq ekonomıkany odan ári damytýdyń boljamdy stsenarııleri, sondaı-aq Qazaqstannyń jańa qurylymdyq ekonomıkasynyń perspektıvalary qaraldy.
Beıjińge resmı sapar barysynda úkimetaralyq kelisimderge jáne ındýstrııalandyrý jáne ınvestıtsııalar, ınnovatsııalar jáne tsıfrlandyrý, aýyl sharýashylyǵy jáne energetıka salasyndaǵy Qazaqstan - Qytaı yntymaqtastyǵyn damytýǵa baǵyttalǵan birqatar kommertsııalyq qujattarǵa qol qoıyldy.
Qorytyndy qujattar: Qaraǵandy oblysynyń ákimdigi, «Kazakh Invest» UK jáne Horgos Xingbang arasyndaǵy Qaraǵandy oblysynda elektrolızdik marganets óndirý boıynsha ózara túsinistik týraly memorandým;
«Kondensat» AQ, «Kazakh Invest» UK jáne CITIC Construction arasyndaǵy sıntetıkalyq parafın óndirý boıynsha jobany iske asyrý úshin ózara túsinistik týraly memorandým;
«TENIR Logistic» JShS jáne Youbang Innovative Investment Limited arasyndaǵy Qazaqstanda Tymlaı ken orny bazasynda taý-ken-hımııa metallýrgııa keshenin qurý jobasy boıynsha yntymaqtastyq týraly kelisim;
«Jel Elektrık» JShS jáne Universal Energy Ltd. arasyndaǵy Aqmola oblysynda jel elektr stantsııasyn salý boıynsha jobany birlesip iske asyrý týraly kelisim;
«Pavlodar» ÁKK» AQ jáne CNOOD Asia Limited arasyndaǵy qant qyzylshasyn óńdeý zaýytynyń qurylysy boıynsha jobany iske asyrý úshin ózara túsinistik týraly memorandým;
Qaraǵandy oblysynyń ákimdigi, «Taý-Ken Samuryq» UTK» AQ jáne Xiamen Tungsten arasyndaǵy «Soltústik Qatpar» jáne «Joǵary Qaıraqty» volfram ken oryndaryn damytý boıynsha jobany iske asyrý jónindegi yntymaqtastyq týraly kelisim;
Qaraǵandy oblysynyń ákimdigi, «Taý-Ken Samuryq» UTK» AQ jáne Xiamen Tungsten arasyndaǵy ammonıı paravolframatyn óndirý zaýytynyń qurylysy jobasy boıynsha mámileniń negizgi sharttary týraly kelisim.
Qazaqstan Premer-Mınıstri QHR-ge resmı sapary aıasynda ónerkásip óndirisiniń kólemi boıynsha Qytaıdyń ekinshi qalasy Shenchjenge bardy. Shenchjen joǵary deńgeıdegi irgeli zertteýlermen aınalysatyn Qytaı qalalarynyń bestigine kiretinin aıtyp ótken jón. Álemniń 500 jetekshi korporatsııalarynyń 230-dan astamynyń osynda ofısteri men bólimsheleri bar.
Shenchjen qalasynda B. Saǵyntaev álemdegi asa iri tehnologııalyq kompanııalarǵa bardy. Olardyń ishinde SF Holding, Tencent Holding jáne Huawei Technologies kompanııalary bar.
Gýandýn provıntsııasynda halyqaralyq jedel jetkizý salasyndaǵy kóshbasshylardyń biri SF Express úlestirý ortalyǵynyń aýmaǵynda B. Saǵyntaevqa logıstıka, qoımalaý jáne taýarlardy suryptaý, sondaı-aq elektrondy kommertsııany damytý salasyndaǵy aldyńǵy qatarly tehnologııalar tanystyryldy. Búgingi tańda kompanııa - Qytaıdaǵy China Post-tan keıingi, úlkendigi jaǵynan ekinshi kýrer, ishki jáne halyqaralyq jedel jetkizýdi qamtamasyz etedi. Qazaqstan qytaılyq kompanııanyń tájirıbesin zerdeleýge jáne yntymaqtastyqty, onyń ishinde Qytaıdan Ortalyq Azııa elderine taýarlar jetkizý merzimderin qysqartý jáne «Qorǵas» shekara mańy yntymaqtastyǵy halyqaralyq ortalyǵynyń aýmaǵyndaǵy ózara is-qımyl úshin Qazaqstannyń tranzıttik áleýetin paıdalaný aıasynda yntymaqtastyqty retke keltirýge múddeli.
Álemdegi iri ınvestıtsııalyq jáne venchýrlyq kompanııalardyń biri Tencent Holding Ltd. shtab-páterin aralaý kezinde B. Saǵyntaev Tencent Open Platform startaptarǵa arnalǵan platformany damytý tájirıbesimen, sonymen qatar ekonomıkanyń túrli salalaryna arnalǵan jıyntyqty tehnologııalar men zııatkerlik sheshimderdiń ázirlemelerimen tanysty. Kompanııanyń tabysty tájirıbesi Astana Hub halyqaralyq tehnoparki bazasynda startap-ekojúıeni jetildirý jáne ınnovatsııalyq qyzmetti damytý turǵysynan Qazaqstannyń qyzyǵýshylyǵyn týdyrady. Bilim men bilim berý tehnologııalarynyń transferti erekshe qyzyǵýshylyq týdyrady: bul - jasandy zerde júıelerin, adamdardy taný algorıtmin, medıtsınalyq dıagnostıkany jáne t.b ázirleý boıynsha jobalardy júrgizýdiń jańa bilimderi men daǵdylaryna qazaqstandyq mentorlar men sarapshylardyń taǵylymdamasyn jáne oqytylýyn uıymdastyrý. Máselen, Tencent Holding Qytaıdaǵy eń aýqymdy jáne álemdegi qoldanýshylary jaǵynan Facebook pen YouTube-tan keıin úshinshi oryndaǵy Qzone áleýmettik jelisine ıe. Qazirgi tańda eń tanymal ónim - 2011 jyly iske qosylǵan, 1 mlrd 80 mln paıdalanýshysy bar WeChat baǵdarlamasy.
Infokommýnıkatsııalyq sheshimderdi álemdegi jetekshi jetkizýshi Huawei Technologies koporatsııasynyń alańynda Qazaqstan Premer-Mınıstri qytaı kompanııasynyń óz tehnologııalary men noý-haýlardy ázirleý salasyndaǵy qol jetkizgen jetistikterimen tanysty. Qazirgi tańda Huawei korporatsııasynyń 140-tan astam elde 15 óńirlik ókildigi, 36 birlesken ınnovatsııalyq ortalyǵy jáne 15 zertteý ortalyǵy bar. Korporatsııanyń telekommýnıkatsııalyq ınfraqurylymǵa arnalǵan jabdyqtardy, sondaı-aq jıyntyqty sheshimder men úlken derekter júıesiniń ınnovatsııalyq ázirlemelerin ázirleýdegi tájirıbesi erekshe qyzyǵýshylyq týdyrdy. Búginde Huawei kompanııasynyń qatysýymen Qazaqstanda joǵary tehnologııalyq jobalar ilgerilep jatyr, olardyń qatarynda Astana Hub-ta zerthananyń ashylýyn atap ótýge bolady. Ózara is-qımyl perspektıvalary AT-ýnıversıtet jumysynyń iske qosylýymen keńeıe túspek, onda zertteý jobalary men ınnovatsııalar salasyndaǵy qytaı korporatsııasynyń tájirıbesi men daǵdylary asa paıdaly bolmaq.