Saǵyntaev Kazenergy forýmynyń qatysýshylarymen birqatar ekijaqty kezdesýler ótkizdi
ASTANA. QazAqparat - Búgin Astanada QR Premer-Mınıstri Baqytjan Saǵyntaev Kazenergy forýmy aıasynda Islandııanyń eks-prezıdenti Olafýr Grımsonmen, Reseı Úkimeti Tóraǵasynyń orynbasary Arkadıı Dvorkovıchpen, «Roıal Datch Shell» kompanııasynyń barlaý jáne óndirý boıynsha dırektory Endı Braýnmen birqatar ekijaqty kezdesýler ótkizdi, dep habarlaıdy QazAqparat PrimeMinister.kz saıtyna silteme jasap.
Kezdesýler barysynda Qazaqstanda Soltústik Kaspıı (Qashaǵan), Qarashyǵanaq jáne Kaspıı qubyr jelisi konsortsıýmy boıynsha birlesken jobalardy iske asyrý, sondaı-aq jasyl energetıkany damytý salasynda ózara is-qımyl jasasý máseleleri talqylandy. 
Budan ózge, taýar aınalymyn ulǵaıtý, saýda yntymaqtastyǵyn, Eýrazııalyq keńistiktiń kólik-logıstıkalyq áleýetin arttyrý, óńiraralyq jáne shekara boıyndaǵy ózara is-qımyldy keńeıtý, ǵylym jáne mádenıet salalaryndaǵy ekijaqty qarym-qatynas máseleleri qaraldy.
