Saǵyntaev Qazaqstandaǵy Shveıtsarııa elshisimen kezdesti
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaev Qazaqstan Respýblıkasyndaǵy Shveıtsarııanyń Tótenshe jáne Ókiletti elshisi Ýrs Shmıdpen kezdesti, dep habarlaıdy QazAqparat primeminister.kz silteme jasap.
Kezdesý barysynda Shveıtsarııamen energetıka, farmatsevtıka, bilim berý, kólik jáne qarjy salalarynda saýda-ekonomıkalyq yntymaqtastyqty odan ári nyǵaıtý, sondaı-aq birqatar ınvestıtsııalyq jobalardy iske asyrý máseleleri talqylandy.
Premer-Mınıstr Shveıtsarııanyń eleýli tranzıttik-logıstıkalyq áleýetin atap ótti. Shveıtsarııa Qazaqstanmen saýda aınalymynyń kólemi boıynsha Eýropa elderi arasynda 4-orynda (Italııa, Nıderlandy jáne Frantsııa elderinen keıin).
Aıta keterligi, Shveıtsarııa men Qazaqstan arasyndaǵy dıplomatııalyq qarym-qatynastar 1992 jyly 1 maýsymda ornaǵan.
2018 jyly qańtar-sáýir aılarynda taýar aınalymy eksport - $531,2 mln, ımport - $31,7 mln boldy. Shveıtsarııadan Qazaqstanǵa jalpy ınvestıtsııalar aǵymy 2005-2017 jj. aralyǵynda $20 597,3 mln qurady.
