Saǵyntaev Qasymovqa quqyq buzýshylyqtyń aldyn alý jónindegi úshjyldyq jospar ázirleýdi tapsyrdy
ASTANA. QazAqparat - Búgin QR Úkimeti otyrysynda Premer-Mınıstr Baqytjan Saǵyntaev elimizdiń Іshki ister mınıstri Qalmuhanbet Qasymovqa quqyq buzýshylyqtyń aldyn alý jónindegi úshjyldyq jospar ázirleýdi tapsyrdy, dep habarlaıdy QazAqparat tilshisi.
«Іshki ister mınıstrligine jergilikti organdarmen birlesip, osy jyldyń 1 jeltoqsanyna deıin belgilengen tártippen taıaý 1 jylǵa arnalǵan quqyq buzýshylyqtyń aldyn alý jónindegi keshendi jospardyń jobasyn ázirlep, Úkimet qaraýyna engizýdi tapsyramyn», - dedi B.Saǵyntaev.
Sonymen qatar ol bul baǵyttaǵy jumystardy barynsha kúsheıtý qajettigin basa aıtty.
«Bizge halyqpen azamattyq qoǵam ınstıtýttaryna shynaıy arqa súıeı otyryp, bul jumystardy qaıta qaraý jáne júıeleý qajet. Barlyǵynyń naqty ózara is-qımylyn qamtamasyz etý kerek», - dedi B.Saǵyntaev.
