Saǵyntaev Qaraǵandydaǵy nan-toqash ónimderi zaýytynyń jumysymen tanysty
ASTANA. QazAqparat - QR Premer-Mınıstri Baqytjan Saǵyntaev Qaraǵandy oblysyna jumys sapary barysynda «Saryarqa Nan Qaraǵandy» JShS kásipornyna bardy, dep habarlaıdy primeminister.kz.
Onda Úkimet basshysy nan-toqash ónimderi óndirisiniń tehnologııalyq erekshelikteri men ınnovatsııalyq sheshimderimen tanysty.
Nan pisiretin zaýyttyń bas dırektory Aıgúl Búrlenova óndiriste qoldanylatyn tehnologııalar men kásiporynnyń keleshektegi josparlary týraly aıtyp berdi.
Óndiris orny undy ydyssyz saqtaý orny, sý óńdeıtin bólmesi, kondıterlik tseh pen qalypty nan pisiriletin týnneldik peshi bar keshennen turady.
Budan keıin Baqytjan Saǵyntaevqa zaýyt shyǵaratyn nan-toqash ónimderiniń kórmesi kórsetildi.
