Saǵyntaev ІT-kompanııalardyń ókilderimen «Tsıfrlyq Qazaqstan» jobasyn talqylady
ASTANA. QazAqparat - Búgin, Úkimet úıinde Qazaqstan Respýblıkasynyń Premer-Mınıstri Baqytjan Saǵyntaevtyń tóraǵalyǵymen otandyq jetekshi ІT-kompanııalardyń ókilderiniń qatysýymen «Tsıfrlyq Qazaqstan» memlekettik baǵdarlamasy jobasynyń máseleleri jóninde keńes ótti, dep habarlaıdy primeminister.kz.
Keńes barysynda QR Aqparat jáne kommýnıkatsııalar mınıstri Dáýren Abaev, QR ulttyq ekonomıka mınıstri Tımýr Súleımenov, «ARTA Software» JShS ókili B. Basheev, «Innovatsııalyq tehnologııalar parki» AEA ınnovatsııalyq kompanııalar qaýymdastyǵynyń prezıdenti A. Qonysbaev, «Elteks Alataý» JShS dırektory N. Jánibekov, Qazaqstandyq ınternet bıznes qaýymdastyǵynyń prezıdenti K. Gorojankın, «Open IT» kompanııasynyń basshysy V. Kım, «Birinshi nesıelik bıýro» bas dırektory R. Omarov, «Flip.kz» ınternet-dúkeniniń negizin qalaýshy A. Sokolov, ІT-menedjerler qoǵamdastyǵynyń basqarma tóraǵasy A. Bıshıgaev jáne taǵy basqalar sóz sóıledi.
