Saǵyntaev iri ınvestorlarmen qazaqstandyq jobalarǵa qarjy salý strategııasyn talqylady
Úkimet basshysy IDEMIA kompanııasynyń vıtse-prezıdenti Fransýa Perrashonmen, UAE International Investors Council shetelderdegi emırattyq ınvestorlar keńesiniń bas hatshysy D. Seıf ál-Djarvanmen, Decathlon Kazakhstan bas dırektory J. Antonıomen jáne SAJ Invest basqarma tóraǵasy H. M. S. ál-Delaıganmen kezdesti.
Kezdesý barysynda MJÁ jobalaryn qarjylandyrý, ınvestıtsııa salynatyn jobalarǵa aqparattyq tehnologııalardy engizý máseleleri talqylandy, sonymen qatar ekonomıkany tsıfrlandyrý salasynda yntymaqtastyq ornatý múmkindikteri qaraldy.
Atap aıtqanda, IDEMIA kompanııasynyń vıtse-prezıdenti F. Perrashon bıometrııalyq sáıkestik boıynsha jobalardy iske asyrýǵa (bıometrııalyq tólqujattar shyǵarý múmkindigine), sonymen qatar JQE buzýdy tirkeý, adamnyń bet-álpetin taný, beınebaqylaý jáne saraptaý júıelerin engizýdi qamtıtyn Qazaqstan óńirleri úshin tujyrymdamany ázirleýge qyzyǵýshylyq tanytty.
F. Perrashon sonymen qatar áýe jolaýshylarynyń biryńǵaı derekter bazasyn qurý Qazaqstan úshin basymdyqty jobalardyń biri retinde qarastyrylatynyn aıtty.
Premer-Mınıstr Qazaqstan zańnamasyna MJÁ jobalaryn qarjylandyrý kózderin qurý úshin jańa jınaqty qurýǵa qatysty ózgerister engizý máselesi QR Úkimetinde jýyrda qarastyrylatynyn atap aıtty.
2006-2011 jyldary kompanııa derbestendirý júıesin, jeke kýálikter men tólqujattar blankilerin jetkizip, QR azamattarynyń jeke basyn kýálandyratyn ulttyq qujattardy jetkizý boıynsha memlekettik kelisimshartqa sáıkes «noý-haý» jetkizdi.
Búgingi tańda Idemia Identity&Security France (Securetech Corporation qazaqstandyq kompanııasymen Konsortsıýmde) QR IDM Azamattyq avıatsııa komıtetimen seriktestikte MJÁ qaǵıdaty boıynsha Interpol derekter bazasymen jáne QR Bas prokýratýrasynyń bazasymen kiriktirilgen áýe jolaýshylarynyń (ishki jáne halyqaralyq reıster) biryńǵaı derekter qoryn qurý boıynsha biryńǵaı jobany iske asyryp jatyr. Qazirgi kezde kompanııa QR Ulttyq ekonomıka mınıstrliginiń joba MJÁ týraly zańǵa sáıkes keletini jaıly oń qorytyndysyn kútip otyr, sonymen qatar QR Úkimeti qazaqstandyq zańnamaǵa MJE jobasyn qarjylandyrý kózderin qurý úshin jańa alymǵa qatysty ózgerister engizýin kútedi.
D. Seıf ál-Djarvan ekijaqty kezdesý barysynda kompanııa BAÁ ınvestorlarynyń Qazaqstan aýmaǵyndaǵy jobalarǵa qatysýyn ulǵaıtýǵa nıetti ekenin jetkizdi. Infraqurylymdyq jáne aýyl sharýashylyǵy jobalary, azyq-túlik ónimderin óndirý erekshe qyzyǵýshylyq týdyrady. Sonymen qatar eksportqa baǵdarlanǵan ekologııalyq tamaq ónimderin óndirý máselesi de qyzyqty.
Búgingi tańda BAÁ keńeske kiretin Mubadala, DP World, Majid Al Futtaim, Al Khaleej Sugar jáne basqa da iri ınvestorlary Qazaqstanda jobalardy júzege asyrýda. BAÁ Halyqaralyq ınvestorlar keńesiniń quramyna 6 mınıstrlik, sonymen qatar 20 astam iri holdıng kiredi.
«Decathlon Kazakhstan» bas dırektory Jerom Antonıomen kezdesýde QR Premer-Mınıstri ınvestıtsııalyq saladaǵy yntymaqtastyq máselelerin talqylady.
Jerom Antonıonyń aıtýynsha, 2018 jyly kompanııa Almaty q. «Decathlon» kompanııasynyń alǵashqy dúkenin ashýdan bastap QR naryǵyna shyǵýǵa nıet bildirgen. Talqylaý barysynda taraptar Qazaqstanda dúkender jelisin ashý sapaly taýarlar assortımentin ulǵaıtý turǵysynan ǵana emes, óndiristi jergiliktendirý men jańa jumys oryndaryn qurý turǵysynan da mańyzdy degen ortaq baılam jasady.
Aıta keterligi, Decathlon - sporttyq taýarlar shyǵaryp, óndirýmen jáne olardy bólshek satýmen aınalysatyn iri frantsýzdyq kompanııa. Kompanııa ıeliginde jıyrmadan astam taýarlyq belgi bar. kompanııa álem boıynsha 1000 astam dúkendi baqylaıdy, onyń 300 - Frantsııada.
SAJ Invest basqarma tóraǵasy Hýsam Muhamed Salah ál-Delaıganmen kezdesý aıasynda Saj Invest-pen AÓK salasynda, atap aıtqanda, untaq botqasyn óndirý jáne taıaý shetelderge odan ári eksporttaý boıynsha óndiristik qýattylyqtardy arttyrýǵa qatysty yntymaqtastyq múmkindikteri talqylandy.
Sonymen qatar Hýsam Mohamed Salah ál-Delaıgan kompanııanyń týrızm salasyndaǵy ınvestıtsııalyq jobalarǵa qyzyǵýshylyq tanytatynyn bildirdi. Onyń aıtýynsha, SAJ Invest «Býrabaı Damý» JShS-men birlesip Býrabaı kýrortyn damytý aıasynda Aqmol oblysynda 50 kottedj salýdy josparlap otyr.
Aıta keterligi, SAJ Invest - Saýd Arabııasy Koroldiginde tirkelgen, korporatıvtik qarjylandyrý jáne ınvestıtsııalaýǵa mamandanǵan. SAAJ otbasylyq keńsesi tobyna kiredi. Kompanııanyń ıesi - ál-Delaıgan otbasy.
