Saǵyntaev: Indýstrııalyq jobalar Almatynyń básekege qabiletti bolýyna múmkindik beredi
Karantın sharalarynyń báseńdeýine baılanysty kásiporyndar burynǵy jumys rejımine oralýda.
«Byltyr Indýstrıaldy aımaqtyń jumys isteý prıntsıpin qaıta qarastyrdyq. Qalaǵa ekonomıkanyń naqty sektoryn qaıtaryp, damytý qajet. Búginde 12 joba júzege asyryldy. Taǵy 46 joba iske asyrylý satysynda tur. Sonyń 10-yn - bıyl, al 23-in - kelesi jyly iske qosýdy josparlap otyrmyz. Barlyq 58 jobanyń ınvestıtsııasynyń jalpy somasy - 248 mlrd teńge bolyp otyr. Tamaq pen medıtsına ónerkásibi, logıstıka, qurylys jáne avtomobıl jasaý salasyndaǵy joǵary bilikti mamandar úshin 8,5 myń jumys orny qurylady»,- dedi ákim.
Sondaı jobalardyń biri - energetıkalyq tıimdi sáýlettik qasbetter zaýyty salynyp jatyr. Kásiporyn joǵary sapaly energııa únemdeıtin PVH jáne alıýmınıı profıldik qurylymdardy shyǵarýdy jolǵa qoıyp otyr. Onyń qýaty — jylyna 475 myń sharshy metr. Al jobanyń quny — 3,8 mlrd teńge. 80 jumys orny ashylady.
Birinshi kezeńi ótken jyldyń sońynda bastalǵan Hyundai Trans Kazakhstan avtoqurastyrý zaýytynda jylyna 45 myń avtokólik shyǵarylady. Jumys kólemniń 75%-yn - Qazaqstanda, 25%-yn - taıaý shet elderde iske asyrý josparlanǵan. Ekinshi kezeńdi iske qosý kúzge josparlanǵan. Boıaý, dánekerleý jáne basqa da óndiristik avtomattandyrylǵan jeliler ashylady. Bul rette kásiporyn oqshaýlaý úlesin 5 jyl ishinde bir model úshin birtindep 50%-ǵa deıin ósire otyryp jetkizedi. Jobanyń jalpy quny - 25 mlrd teńge. Munda 700 jumys orny ashylady.
Qala ákimi atap ótkendeı, Almatyny ındýstrııalandyrý úshin joǵary tehnologııalyq óndirister qurý qajet, onda bilikti mamandar úshin joǵary aqy tólenetin jumys oryndary ashylady.
«Mundaı jobalar Almatynyń álemdegi damyǵan qalalardyń arasynda básekege qabiletti bolýyna múmkindik beredi. Oǵan qosa jańa ekonomıkalyq modeliniń negizine aınalady. Ekonomıkanyń qurylymdyq manevriniń basty maqsaty da osy. Eksporttyq óndiristerdi damytý jáne álemdik joǵary tehnologııalar ekonomıkasyndaǵy bizdiń óndirýshilerdiń úlesin keńeıtý qala ekonomıkasyn ártaraptandyrýǵa múmkindik beredi», — dedi Baqytjan Saǵyntaev.
Indýstrııalyq aımaqta azyq-túlik qaýipsizdigin qamtamasyz etý sharalary sheńberinde jylyjaı kesheniniń jobasy iske asyryldy. Qýaty 7,2 myń tonna bolatyn kókónis óndirisi jolǵa qoıyldy. Joba quny - 7,8 mlrd teńge. 185 jumys orny ashylǵan. Óndiriste tyńaıtqyshtar men mıneraldardy avtomatty túrde beretin tamshylatyp sýarý júıesi qoldanylady.
Sondaı-aq, tamaq ónerkásibi klasterinde tolyq óndiristik tsıklmen et óńdeıtin zaýyt ashyldy. Qýaty 3,5 myń tonna bolatyn kásiporynda 100 túrli shujyq ónimderi shyǵarylady. 250 jumys orny ashyldy.
Jumys sapary barysynda qala ákimi sondaı-aq «Kelet» AQ sýmen jabdyqtaý, jylytý jáne jeldetý, sonyń ishinde gaz qazandary men sý sorǵylaryn óndiretin zaýytqa bardy. Jumys oryndarynyń sany — 230, karantın kezinde 190 adam jumys istep jatyr.
