Saǵyntaev halyqaralyq kompanııa basshylarymen kezdesti
ASTANA. QazAqparat - Búgin Úkimet úıinde Astanada 5 jeltoqsanda bastalatyn «Kazakhstan Global Investment Roundtable» forýmy aıasynda QR Premer-Mınıstri Baqytjan Saǵyntaev Cathay Industrial Biotech kompanııasynyń prezıdenti Lıý Shıkaımen, Areva Mines kompanııasynyń basqarýshy dırektory Jak Pıtemen jáne CNBC arnasynda «STREET SIGNS» baǵdarlamasyn birlesip jazǵan avtor Orıel Morrısonmen birqatar ekijaqty kezdesýler ótkizdi, dep habarlaıdy primeminister.kz .
Kezdesýler barysynda yntymaqtastyqty odan ári nyǵaıtý jáne ındýstrııalandyrý jáne atom ónerkásibi salasynda jańa ınvestıtsııalyq jobalardy iske asyrý máseleleri talqylandy.
Aıta keterligi, Cathay Industrial Biotech kompanııasy 1997 jyly qurylǵan. Qazaqstanda kompanııa bıohımııalyq klaster qurý jáne modıfıkatsııalanǵan talshyqtardy tolyq kólemde óndirýdi uıymdastyrý máselelerin qarastyrady. Jobany júzege asyrýǵa qajetti barlyq bes óndiristik tsıkl júzege asqan jaǵdaıda, ınvestıtsııa kólemi shamamen $10 mlrd quraıdy jáne 10 myńǵa jýyq jumys ornyn ashýǵa múmkindik bolady.
Areva kompanııasy - Frantsııadaǵy atom ónerkásibi kóshbasshylarynyń biri, frantsýzdyń iri óndiristik kompanııasy. 2016 jyldyń jazyna deıin ıadrolyq energııa óndirýge qatysty barlyq qyzmet túrine qatysqan jalǵyz batys kompanııasy. Ol, sondaı-aq, balamaly kózderden elektr energııasyn óndirýge arnalǵan jabdyqty ázirleýmen jáne ony shyǵarýmen aınalysqan.
Orıel Morrıson - Avstralııanyń eń tabysty bıznes jýrnalısteriniń biri, bıznes jáne qarjy jańalyqtaryn júrgizýden on jylǵa jýyq tájirıbesi bar.
