Saǵyntaev halyqaralyq qarjy uıymdarymen ózara is-qımyl keńesiniń otyrysyn ótkizdi
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen Úkimet pen halyqaralyq qarjy uıymdary arasyndaǵy seriktestik týraly shektelmeli kelisimderdi iske asyrý boıynsha Úılestirý keńesiniń, sonymen qatar Ekonomıkalyq yntymaqtastyq jáne damý uıymymen (EYDU) ózara is-qımyl jónindegi keńestiń kezekti otyrysy ótti, dep habarlaıdy QazAqparat PrimeMinister.kz saıtyna silteme jasap.
Keńes barysynda «Bıznestegi áıelder» jobasyn iske asyrý máseleleri, aǵymdaǵy jobalardyń jekelegen aspektileri talqylanyp, halyqaralyq qarjy uıymdarymen birlesip júzege asyrylatyn, Qazaqstan Respýblıkasynyń turaqty damýy men ósimine yqpal etý jobalaryna monıtorıng júrgizý, úılestirý jáne irikteý erejelerin bekitý qabyldandy.
Sondaı-aq, EYDU-nyń árekettegi jobalary boıynsha birneshe másele, EYDU-men Eldik baǵdarlama tizimine jańa jobalardy qosý keleshegi qaraldy jáne Almaty qalasynda Eýrazııa aptasy 2017 - EYDU otyrysyn ótkizýge daıyndyq sharalary talqylandy.
23-25 qazan aralyǵynda Almaty qalasynda EYDU basty otyrysy - «Eýrazııa aptasy 2017»-ni ótkizý josparlanyp otyr. Oǵan EYDU-ǵa múshe elderdiń elshileri men mınıstrleri, BEB qatysýshy 13 eldiń memlekettik organdarynyń ókilderi men úkimetteriniń músheleri qatysady. Búgingi tańda 237 qonaq qatysatynyn rastady.
