Saǵyntaev ǵylymı medıtsınalyq ortalyq basshylarymen kezdesti
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaev elimizdiń jetekshi ǵylymı medıtsınalyq ortalyqtarynyń dırektorlarymen kezdesý ótkizdi, dep habarlandy primeminister.kz. saıtynda.
Kezdesý barysynda respýblıkada medıtsınalyq ǵylymdy damytýdyń negizgi baǵyttary talqylandy. Sonyń ishinde, onkologııadaǵy personalızatsııalanǵan medıtsına artyqshylyqtary, bilim, ǵylym jáne klınıkalyq praktıkanyń birigýi, sondaı-aq, Qazaqstandaǵy bıomedıtsınalyq zertteýler keleshegi qaraldy.
Densaýlyq saqtaý mınıstri E. Birtanov, Ulttyq ǵylymı kardıohırýrgııa ortalyǵynyń basqarma tóraǵasy ıÝ. Pıa, A. N. Syzǵanov atyndaǵy Ulttyq ǵylymı hırýrgııa ortalyǵynyń basqarma tóraǵasy B. Baımahanov, Qazaq onkologııa jáne radıologııa ǵylymı-zertteý ınstıtýttyń dırektory D. Qaıdarova, Semeı q. memlekettik medıtsınalyq ýnıversıtetiniń rektory E. Júnisov aǵymdaǵy jaǵdaı, klınıkalyq zertteýler júrgizý tájirıbeleri men qazaqstandyq medıtsına aldynda turǵan mindetter týraly baıandamalarymen tanystyrdy.
Aıta keteıik, qazirgi tańda densaýlyq saqtaý salasyndaǵy ǵylymı-zertteý qyzmetiniń ınfraqurylymy 22 ǵylymı-zertteý uıymynan (16 ǵylymı ortalyq, 6 ǵylymı-zertteý ınstıtýty), 6 medıtsınalyq JOO-dan, 2 dıplomnan keıingi bilim berý uıymy men kópbeıindi ýnıversıtetter (Q. ıAssaýı atyndaǵy Halyqaralyq qazaq-túrik ýnıversıteti, Ál-Farabı atyndaǵy QazUÝ) quramyndaǵy 2 fakýltetten turady.
S. D. Asfendııarov atyndaǵy Qazaq ulttyq medıtsına ýnıversıteti men Qaraǵandy memlekettik medıtsınalyq ýnıversıteti bazasynda 2 ǵylymı molekýlıarly-genetıkalyq zerthana jumys isteıdi.
2016 jyly QR Úkimeti janyndaǵy Joǵarǵy ǵylymı-tehnıkalyq komıssııanyń hattamasymen «Ómir jáne densaýlyq týraly ǵylym» atty ǵylymnyń damý basymdyǵy bekitildi. Mınıstrlik atalǵan ulttyq bastama aıasynda 2017-2019 jyldarǵa arnalǵan salalyq basymdyqtardy anyqtady.
Búgingi tańda medıtsınalyq ǵylym men bilim berý uıymdarynda JITS-pen, týberkýlezben jáne bezgekpen kúres jónindegi jahandyq qordyń, UNODS, UNFPA, UNICEF, CDC, Eýropalyq odaqtyń qatysýy men qoldaý kórsetýimen 260-tan astam ǵylymı-tehnıkalyq baǵdarlama men joba júzege asyrylyp jatyr.
