Saǵyntaev General Electric kompanııasynyń ókilderimen kezdesti
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaev tsıfrlyq tehnologııalar jónindegi vıtse-prezıdent Ýılııam Rý basshylyq etken General Electric kompanııasynyń ókilderimen kezdesý ótkizdi, dep habarlaıdy primeminister.kz
Kezdesý barysynda kompanııamen el ekonomıkasynyń túrli salalarynda tsıfrlandyrý boıynsha perspektıvaly ınvestıtsııalyq jobalardy iske asyrý jóninde yntymaqtastyq ornatý máseleleri talqylandy.
Anyqtama: General Electric - ónerkásip pen tsıfrlyq tehnologııalar boıynsha álemdik kóshbasshy. Kompanııa Qazaqstanda kóptegen jyldar boıy kóliktik mashına jasaý, energetıka, densaýlyq saqtaý, avıatsııa, sondaı-aq, munaı-gaz salalarynda qyzmet kórsetýde.
Qazirgi tańda GE «Samuryq-Qazyna» ulttyq ál-aýqat qory, «QTJ», «QazMunaıGaz», Air Astana, Kaz Minerals jáne ERG-men seriktestikte mańyzdy ınfraqurylymdyq mindetterdi sheshýge qatysyp jatyr.
