Saǵyntaev Eýropalyq komıssııanyń eks-prezıdenti Joze Manýel Barrozýmen kezdesti
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaev Eýropalyq komıssııanyń eks-prezıdenti Joze Manýel Barrozýmen qarjy jáne ınvestıtsııalyq salalardy damytýdyń ózekti máseleleri boıynsha kezdesý ótkizdi, dep habarlaıdy primeminister.kz .
Kezdesý barysynda EýrazEQ damytý áleýeti, sonymen qatar álemdik trendterdi eskere otyryp, Qazaqstannyń qarjy júıesin odan ári damytý máseleleri talqylandy. Sondaı-aq, taraptar J. M. Barrozýdyń Eýropalyq komıssııaǵa tóraǵalyq etken kezinde qol qoıylǵan keńeıtilgen seriktestik týraly kelisim aıasynda Qazaqstan men EO-nyń aldaǵy yntymaqtastyq keleshegi týraly pikirlerimen almasty.
Aıta keterligi, Eýropalyq komıssııanyń eks-prezıdenti, Portýgalııanyń Premer-Mınıstri (2002-2004 jj.) Joze Manýel Barrozý Qazaqstanǵa 22-24 maýsym aralyǵynda Astanada ótkizilip jatqan Eýrazııalyq medıa forýmǵa qatysý úshin keldi.
