Saǵyntaev elektrondyq densaýlyq saqtaý boıynsha keńes ótkizdi
Keńes barysynda elektrondyq densaýlyq saqtaý júıesin tórt segment boıynsha engizý máseleleri talqylandy: densaýlyqty jaqsartý jáne aldyn ala emdeý, aýrýlardy erte anyqtaý, medıtsınalyq kómek kórsetý, aýrýlardy emdeý jáne ońaltý. Tsıfrlyq densaýlyq saqtaýdy damytý emdelýshilerge baǵdarlanǵan bolady jáne medıtsınalyq derekterdi, medıtsınalyq qujattardy qaǵazsyz júrgizýge kóshýge, dárigerlerge elektrondy túrde emdelýshi týraly mańyzdy derekterdi alý arqyly shuǵyl klınıkalyq sheshimder qabyldaýǵa múmkindik beredi, dárigerdiń qabyldaýynda bolý ýaqyty 50-60%-ǵa qysqarady jáne zertteý nátıjelerin alý ýaqyty eki esege azaıady.
Anyqtama: Búgingi tańda densaýlyq saqtaý uıymdaryndaǵy tsıfrlandyrý úlesi 76,4% quraıdy. 01.01.2019 jylǵa qaraı bul kórsetkishti 100%-ke (onyń ishinde aýdan ortalyqtarynyń deńgeıinde) jetkizý kózdelgen.
Dárigerler men orta medıtsına qyzmetkerlerin kompıýterlik tehnıkamen jabdyqtaý 82,8% quraıdy. 2021 jyldyń sońyna qaraı bul kórsetkishti 100%-ke jetkizý josparlanǵan. Densaýlyq saqtaý uıymdarynyń 51,0%-nda ınternet qoljetimdi. 2021 jyldyń sońyna qaraı atalǵan kórsetkishti de 100%-ǵa jetkizý josparda bar.