Saǵyntaev Elbasy tapsyrmasyn oryndaý jóninde keńes ótkizdi
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen Úkimettiń 2018 jylǵy 9 aqpandaǵy keńeıtilgen otyrysynda Memleket basshysynyń arnaıy ekonomıkalyq aımaqtardy damytý boıynsha bergen tapsyrmalarynyń oryndalýy máseleleri jóninde keńes ótti, dep habarlaıdy primeminister.kz.
Keńes aıasynda AEA negizgi kórsetkishteri men olardyń tıimdiligin arttyrý sharalary qaraldy.
QR Prezıdenti N. Nazarbaevtyń tapsyrmalarynyń oryndalýy jáne jumys josparlary týraly QR ınvestıtsııalar jáne damý mınıstri J. Qasymbek, Mańǵystaý oblysy ákimi E. Toǵjanov, Ońtústik Qazaqstan oblysynyń ákimi J. Túımebaev, Almaty oblysynyń ákimi A. Batalov, Atyraý oblysynyń ákimi N. Noǵaev, Jambyl oblysynyń ákimi A. Myrzahmetov, Pavlodar oblysynyń ákimi B. Baqaýov, Qaraǵandy oblysynyń ákimi E. Qoshanov jáne Astana qalasy ákimi Á. Isekeshev, Almaty qalasynyń ákimi B. Baıbek baıandama jasady.
Budan ózge, jumys istep turǵan AEA-lardy toltyrý boıynsha qabyldanyp jatqan sharalar týraly óz baǵyttary boıynsha energetıka mınıstri Q. Bozymbaev, ulttyq ekonomıka mınıstri T. Súleımenov, qarjy mınıstri B. Sultanov jáne arnaıy ekonomıkalyq aımaqtardyń basqarýshy kompanııalarynyń basshylary sóz sóıledi.
Anyqtama: Qazaqstanda 11 arnaıy ekonomıkalyq aımaq jumys isteıdi. AEA aýmaǵynda barlyǵy 165 joba iske qosyldy, 13 myń jumys orny quryldy. AEA jobalaryna tartylǵan ınvestıtsııa kólemi 787 mlrd teńgeni quraıdy.
Foto: primeminister.kz
