Saǵyntaev Ekonomıka máseleleri jónindegi saraptama keńesiniń otyrysyn ótkizdi
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen Ekonomıka máseleleri jónindegi saraptama keńesiniń kezekti otyrysy ótti, dep habarlandy primeminister.kz saıtynda.
Otyrys barysynda monopolııaǵa qarsy retteý júıesin damytý máseleleri talqylandy.
Talqylaýǵa «Astana» halyqaralyq qarjy ortalyǵynyń basqarýshysy Qaırat Kelimbetov, «Atameken» UKP basqarma tóraǵasy Abylaı Myrzahmetov, Qazaqstan Salyq tóleýshiler qaýymdastyǵynyń basqarýshy keńesiniń tóraıymy J. Ertilesova, «Qazaq munaı jáne gaz ınstıtýty» AQ bas dırektorynyń keńesshisi J. Kúlekeev, «Rakýrs» ekonomıkalyq taldaý ortalyǵy» qoǵamdyq qorynyń dırektory O. Jandosov, «Oil Gas Project» JShS dırektory J. Ahmetov, «Qazaqstan halyq banki» AQ basqarma tóraıymy Ú. Shaıahmetova, «Qoǵamdyq máselelerge taldaý jasaý ortalyǵy» qoǵamdyq qorynyń dırektory M. Mahmutova, «Astana» halyqaralyq ǵylymı kesheni» ortalyǵynyń basshysy A. Boranbaev jáne t. b. qatysty.
