Saǵyntaev: Dinı tárbıe berýde ár adamnyń júregine jete bilý qajet
Premer-Mınıstrdiń aıtýynsha, bul tujyrymdama jalpy qoǵam men qoǵamdyq sananyń turaqty jáne úılesimdi damýyna, evolıýtsııalyq jańǵyrýyna yqpal etýi kerek.
«Memleket basshysy Qazaqstan musylmandary dinı basqarmasynyń ókilderimen kezdesý barysynda jas býynnyń dinı saýatynyń tómendigine aıryqsha nazar aýdarǵan bolatyn. Sondyqtan dinı salada durys tárbıelik jáne aǵartýshylyq jumystar júrgizýde kúsh-jigerdi shoǵyrlandyrýymyz, barlyq tujyrymdamalardyń beıbit júzege asyrylýyna septesip, kelisimdi nyǵaıtýǵa járdemdesýimiz qajet. Halyq danalyǵy: «Allany óz júrekterińizden izdeńizder. Ony odan basqa esh jerden taba almaısyzdar», deıdi. Sondyqtan sizder men bizdiń maqsatymyz - árbir adamnyń júregine deıin jetý», - dep atap ótti Úkimet basshysy.
Aıta keteıik, QR Úkimetiniń selektorlyq rejimdegi otyrysynda din salasyndaǵy memlekettik saıasat tujyrymdamasy talqylanǵan bolatyn.
