Saǵyntaev DFJ venchýrlik kompanııasynyń teń quryltaıshysy Tımotı Dreıpermen kezdesti
ASTANA. QazAqparat - Búgin Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev Draper Fisher Jurvetson (DFJ) venchýrlik kompanııasynyń teń quryltaıshysy Tımotı Dreıpermen kezdesý ótkizdi, dep habarlaıdy QR Úkimetiniń baspasóz qyzmeti.
Kezdesý barysynda «Tsıfrlyq Qazaqstan» memlekettik baǵdarlamasynyń jobasy aıasynda yntymaqtastyq ornatý, atap aıtqanda Astanadaǵy halyqaralyq startap-hab jumysyndaǵy máseleler talqylandy. Sondaı-aq, Baqytjan Saǵyntaevtyń San-Frantsısko qalasyna (Amerıka Qurama Shtattary) Kremnıı alqabyna jumys sapary aıasynda jasalǵan kelisimderdiń iske asyrylý barysy qaraldy.
Eske salsaq, DFJ tehnologııalar salasyndaǵy erte kezeńdegi jáne ósý kezeńindegi jobalarǵa ınvestıtsııalarǵa baǵdarlanǵan.
