Saǵyntaev COVID-19 jańa shtamdary týraly aıtty
ALMATY. QazAqparat - Almaty ákimi Baqytjan Saǵyntaev tikeleı efır barysynda brıtandyq, ońtústik-afrıkalyq SARS-CoV-2 vırýstary týraly aıtty, dep habarlaıdy QazAqparat tilshisi.
Baqytjan Saǵyntaev jańa vırýstyń túri «Ýhan vırýsyna» múldem uqsamaıtynyn aıtty.
«Qazir taralyp jatqan COVID-19 shtamdarynyń túri basqa. Byltyrdan beri kúresip kele jatqan vırýstan aıyrmashylyǵy bar. Eger reprodýktıv kórsetkishke qarasaq, ulybrıtanııalyq jáne ońtústik-afrıkalyq shtamdardy kóp adam juqtyratynyn jáne saldary aýyr ekenin kórýge bolady. Tańerteńgi statıstıka boıynsha 510 koronavırýs juqtyrý jaǵdaıy tirkelgen, onyń 417-si sımptomdary bar. Eger buryn sımptomsyz juqtyrý deregi kóp bolsa, qazir jaǵdaı ózgergen», - dedi Baqytjan Saǵyntaev.
Buǵan deıin, megapolıs basshysy Almatyda jappaı vaktsınatsııa sáýirdiń ortasynda bastalatynyn aıtty.
Sonymen qatar, ol Almatyda koronavırýstyń úshinshi tolqyny bastalǵanyn málim etti.
Aıta keteıik, senbi, 27 naýryzda Almatynyń bas memlekettik sanıtarııa dárigeri Jandarbek Bekshın qalada kúsheıtilgen karantın sharalaryn 12 sáýirge deıin uzartty.
