Saǵyntaev Bretton-Výdsty jańǵyrtý komıtetiniń bas dırektorymen kezdesti
ASTANA. QazAqparat - Búgin Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev Bretton-Výdsty jańǵyrtý komıtetiniń Bas dırektory Mark Ýzanmen kezdesti, dep habarlaıdy primeminister.kz.
Kezdesý qatysýshylary jańa ekonomıkalyq syn-tegeýrinder turǵysynan alǵandaǵy yntymaqtastyq keleshegine qatysty máselelerdi talqylady. Komıtet Qazaqstannyń ekonomıkalyq ártaraptandyrý jáne turaqty damý úderisterin ilgeri jyljytý jónindegi seriktesi bolyp tabylady.
Eske sala ketsek, Bretton-Výdsty jańǵyrtý komıteti - 1994 jyly onyń qazirgi Bas dırektory Mark Ýzannyń (Nıý-Iork q.) Bretton-Výds konferentsııasynyń 50 jyldyǵyn merekeleý aıasynda negizin qalaǵan kommertsııalyq emes uıym.
Komıtet qyzmeti jańa ekonomıkalyq syn-tegeýrinderge álemdik qarjy arhıtektýrasy men valıýta júıesin beıimdeýdi maqsat etetin, joǵarǵy deńgeıdegi qatysýshylar arasynda ashyq dıalog uıymdastyrýǵa baǵyttalǵan.
