Saǵyntaev blokpost qoıylmas úshin almatylyqtarǵa sanıtarlyq talapty saqtaýǵa shaqyrdy
ALMATY. QazAqparat – Baqytjan Saǵyntaev Almaty qalasyna kiretinderge jáne shyǵatyndarǵa shekteý qoıylýy múmkin ekenin aıtty, dep habarlaıdy QazAqparat tilshisi.Megopolıs basshysy «Almaty» arnasynyń Akimat LIVE tikeleı efırınde qalaǵa blokpostar qoıylýy múmkin ekenin málim etti.
«Almatynyń jabylatyny nemese jabylmaıtyny ózimizge baılanysty. Eger de saqtyq sharalaryn saqtamasaq, maska taqpasaq, ara qashyqty saqtamasaq, toı toılap júretin bolsaq, amal joq sol jaǵdaıǵa kelýimiz múmkin. Sondyqtan sanıtarlyq talapty qatań saqtaý qajet», - dedi Baqytjan Saǵyntaev.
Ákiminiń aıtýynsha, oblys turǵyndarynyń basym bóligi Almaty qalasynda jumys isteıdi.
«Biz Almaty mańyndaǵy aýdandardan bólektene almaımyz. Sebebi, kóp adam sol oblystan qatynap jumys isteıdi. Bul tek shaǵyn kásiporyndar da ǵana emes memlekettik qyzmette jumys istep jatqandar da bar. Qaıtalap aıtamyn, talapty saqtaıyq. Áıtpese, amal joq blokpost qoıýǵa týra keledi», - dedi ákim.
