Saǵyntaev BQO-da memlekettik-jekeshelik áriptestiktiń damýyn baǵalady
ASTANA. QazAqparat - QR Premer-Mınıstri Baqytjan Saǵyntaev Batys Qazaqstan oblysyna jumys sapary barysynda memlekettik-jekeshelik áriptestik aıasynda salynǵan mektepke deıingi balalar uıymynyń jumysymen tanysty.
Nysandy aralaý barysynda QR Premer-Mınıstrine balabaqshanyń qazirgi jumysy jaıly baıandalyp, ǵımarattaǵy damytý bólimindegi sabaqtar kórsetildi, dep habarlaıdy primeminister.kz.
200 orynǵa shaqtalǵan «Jáńgir han» balabaqshasy memlekettik-jekeshelik áriptestik qaǵıdattaryn qoldanýmen salynǵan. Mekemeniń kompıýterlik saýattylyqqa úıretý kabınetteri, qyzyǵýshylyqtar, ózin-ózi taný bólmeleri, sonymen qatar shyǵarmashylyq beıneleý stýdııasy bar.
Aıta ketý kerek, QR Prezıdentiniń Joldaýyna sáıkes, memlekettik-jekeshelik áriptestik ınfraqurylymnyń, onyń ishinde áleýmettik ınfraqurylymnyń negizgi tetigine aınalýy tıis. MJÁ tetigi bilim berý nysandaryna ınfraqurylymdyq qoldaý kórsetý men qurylystan ózge, bıýdjet qarajattaryn únemdeýge, sonymen qatar bızneske tıimdi jaǵdaılarda jobalardy iske asyrýǵa úlken múmkindikter beredi.
