Saǵyntaev baspanaǵa kezekke turǵandar leginiń artýyna alańdaýshylyq tanytty
«Qýandyq Ýálıhanuly (QR Ulttyq ekonomık mınıstri Bıshimbaev) mende bir saýal bar. Statıstıkaǵa qarasaq, sońǵy 2-3 jylda kezekke turýshylardyń sany kúrt ósip ketipti. Máselen, 2013 jyldan bastap alsaq, 3 jyldyń ishinde bizdegi ósim 2,5 ese bolyp otyr. Bul máselede qandaı da bir túgendeý júrgizile me álde bárin tirkeı beremiz be? Bir adam birneshe qalada kezekte turýy múmkin ǵoı», - dep surady Úkimet basshysy mınıstrden.
«Bizde kezekke qoıý tetikteri «Turǵyn úı qatynastary týraly» zańda qarastyrylǵan. Shynymen de kezekke tura alatyn azamattar sanaty bizde óte kóp. Azamattardyń alatyn tabystarynyń deńgeıine qaraı bólý joq. Zańǵa belgili bir jańǵyrtý júrgizý talap etiledi. Buǵan qosa, ósimniń artýyna sońǵy ýaqytta memlekettiń turǵyn úı qurylysyna basa nazar aýdarýy da túrtki bolyp otyr», - dedi ol.
Mınıstr búginde elimizde jalǵa beriletin jáne satylatyn úılerdiń kóptep salynyp jatqandyǵyn atap ótti.
«Soǵan sáıkes, ózińiz de Turǵynúıqurylysjınaqbanki salymshylarynyń statıstıkasynan kórip otyrǵanyńyzdaı, 2 jylda 34 paıyzǵa ósim bar. Dál osyndaı jaıt kezekke de baılanysty týyndaýda. Qazir «Nurly jer» baǵdarlamasy aıasynda bul máselelerdiń barlyǵyn sheshemiz. Buǵan qosa, shyn máninde áleýmettik baspanaǵa muqtaj azamattar oǵan úmitker bola alatyndaı zańnamaǵa bastamalar da kóteremiz», - dedi Q.Bıshimbaev.
